କଳାପଥର ( ଆୱାଜ ମିଡିଆ ) – ଗଙ୍ଗାଧର ସାହୁ : ପବିତ୍ର ମକର ସଂକ୍ରାନ୍ତି ଅବସରରେ କଳାପଥର ଗ୍ରାମରେ ଆୟୋଜିତ ହୋଇ ଯାଇଛି ମକର ମହୋତ୍ସବ । ସ୍ଥାନୀୟ ବାବା କପିଳେଶ୍ୱର ଦେବଙ୍କ ମନ୍ଦିର ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ମାନେ ଯୋଗଦେଇ ମକର ଉତ୍ସବର ମହତ୍ତ୍ଵ ବିଷୟରେ କହିଥିଲେ । ମକର ଚାଉଳ ପ୍ରସ୍ତୁତି , ବଣ୍ଟନ ଓ ସାଂସ୍କୃତିକ କାର୍ଯ୍ୟକ୍ରମ ଜରୀଆରେ ମହୋତ୍ସବର ମଜା ଉଠାଇଥିଲେ ଲୋକେ ।
ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଚକୁଳେଶ୍ୱର ଆଶ୍ରମର ବାବା କୁମାର ଅମୀୟ , ମୁଖ୍ୟ ବକ୍ତା ଭାବରେ ଆଡ଼ଭୋକେଟ ଅଜୟ କୁମାର ସ୍ୱାଇଁ , ସ୍ୱତନ୍ତ୍ର ସମ୍ମାନୀତ ଅତିଥି ଭାବରେ ଅବସରପ୍ରାପ୍ତ ପ୍ରଧାନଶିକ୍ଷକ ବିଶ୍ୱନାଥ ସାମନ୍ତରାୟ ପ୍ରମୂଖ ଯୋଗଦାନ କରିଥିଲେ . ଅନୁଷ୍ଠାନର ସାଧାରଣ ସମ୍ପାଦକ ପ୍ରମୋଦ କୁମାର ନାୟକ , ଉପ-ସଭାପତି ସୁରେନ୍ଦ୍ର କୁମାର ବିଶ୍ୱାଳ , ସମ୍ପାଦକ ନିମାଇଁ ଚରଣ ବାରିକ , କୋଷାଧ୍ୟକ୍ଷ ମନୋରଞ୍ଜନ ମହାପାତ୍ର , ସଦସ୍ୟ ସୁବ୍ରତ କୁମାର ପ୍ରଧାନ , ତୃପ୍ତିରଞ୍ଜନ ପଣ୍ଡା , କେଳୁଚରଣ ସାହୁ ଇତ୍ୟାଦି ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ .
