ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା କଳିଙ୍ଗନଗର ଥାନା ଅନ୍ତର୍ଗତ ଡ଼ୁବୁରୀ ଛକ ନିକଟରେ ସଡ଼କ ଦୁର୍ଘଟଣାରେ ଢେଙ୍କାନାଳ ଜିଲ୍ଲା ଭୁବନ ଥାନା ବାଲିବସ୍ତା ଗ୍ରାମର ପ୍ରଶାନ୍ତ କୁମାର ମିଶ୍ର ଗୁରୁତର ଆହାତ ହୋଇଛନ୍ତି । ସେ କଳିଙ୍ଗନଗର ଟାଟା ଷ୍ଟିଲର ହୋସକୋ କମ୍ଫାନୀରେ କାର୍ଯ୍ୟ କରୁଥିଲେ । କାରଖାନାରୁ କାର୍ଯ୍ୟ ସାରି ଘରକୁ ଯିବାବେଳେ ଡ଼ୁବୁରୀ ଛକରୁ ସୁକିନ୍ଦା ଯିବାବେଳେ ଆସାମ ପ୍ରେଟ୍ରୋଲ ପମ୍ପ ନିକଟରେ ଦୁର୍ଘଟଣା ଘଟିଥିଲା । ଦୁର୍ଘଟଣା ଖବର ପାଇ କଳିଙ୍ଗନଗର ପୋଲିସ ଘଟଣା ସ୍ଥଳରେ ପହଞ୍ଚି ଆହତ ଯୁବକଙ୍କୁ ଦାନଗଦି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । ସେଠାରେ ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ ମେଡିକାଲ କୁ ପଠାଯାଇଛି । ସୁକିନ୍ଦା ଖଣି ଅଞ୍ଚଳରେ ମୁଖ୍ୟ ରାସ୍ତାରେ ଅବାଧ ଭାରୀଯାନ ଚଳାଚଳ ଏବଂ ବେଆଇନ ପାର୍କିଙ୍ଗ କାରଣରୁ ଲଗାତାର ଦୁର୍ଘଟଣା ଘଟୁଅଛି .
