ଅନୁଗୁଳ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ନେତାଜୀ ସୁଭାଷ ସେନାର ତୃତୀୟ ସ୍ଵନକ୍ଷତ୍ର ବାର୍ଷିକ ଉତ୍ସବ ସୁଭାଷ ବୋଷଙ୍କ ଜୟନ୍ତୀ ଅବସରରେ ତାଳଚେର ହୋଟେଲ ରୟାଲ ଠାରେ ପାଳିତ ହୋଇଯାଇଛି . ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଶିଷ୍ଟ ସମାଜସେବୀ ବିଭୁତି ସାହୁ, ସମ୍ମାନୀତ ଅତିଥି ଭାବେ ବରିଷ୍ଠ ସାମ୍ବାଦିକ ବଜରଙ୍ଗ ଅଗ୍ରୱାଲ, ମନୋଜ ଶତପଥୀ, ସମାଜସେବୀ ରଞ୍ଜିତ ମହାପାତ୍ର, ନେତାଜୀ ସୁଭାଷ ସେନାର ଉପଦେଷ୍ଟା ହରମୋହନ ମିଶ୍ର ଓ ମୁଖ୍ୟବକ୍ତା ଭାବେ ସାମ୍ବାଦିକ ହିମାଂଶୁ ଗଡନାୟକ ଯୋଗଦେଇ ସୁଭାଷ ବୋଷଙ୍କ ପଟ୍ଟଚିତ୍ରରେ ପୁଷ୍ପମାଲ୍ୟ ଦେଇ ସ୍ମୁତିଚାରଣ କରିବା ସହିତ ସମାଜରେ ବିଭିନ୍ନ କ୍ଷେତ୍ରରେ ଜନମଙ୍ଗଳ କାର୍ଯ୍ୟ କରି ଅନ୍ୟମାନଙ୍କ ପାଇଁ ପ୍ରେରଣା ସାଜିଥିବା ବ୍ୟକ୍ତି ମାନଙ୍କୁ ନେତାଜୀ ସେବା ବୀର ସମ୍ମାନ-୨୦୨୧ରେ ସମ୍ମାନୀତ କରିଥିଲେ ।
ଆଜିର କାର୍ଯ୍ୟକ୍ରମକୁ ଯୁବ ସାମ୍ବାଦିକ ବସନ୍ତ କୁମାର ନାୟକ ପରିଚାଳନା କରିଥିଲେ । ଆୟୋଜିତ କାର୍ଯ୍ୟକ୍ରମରେ କଣିହାଁ ଆକ୍ଟିଭ୍ ମିଡ଼ିଆ ର ସାମ୍ବାଦିକ ବନ୍ଧୁ ମାନଙ୍କୁ ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା ।
