ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଲିଭିଗଲା ଆଦର୍ଶ ଶିକ୍ଷକ ହରେକୃଷ୍ଣ ହୋତାଙ୍କ ଜୀବନ ଦୀପ । ଏପରି ଦୁଃଖଦ ଘଟଣା ଶୁଣି ସମଗ୍ର ବଣସିଙ୍ଗ ଗ୍ରାମରେ ଖେଳିଯାଇଛି ଶୋକର ଛାୟା । ଢେଙ୍କାନାଳର ସଦର ଥାନା ଅନ୍ତର୍ଗତ ବଣସିଙ୍ଗ ଗ୍ରାମର ଶିକ୍ଷକ ହରେକୃଷ୍ଣ ହୋତାଙ୍କର ବାର୍ଦ୍ଧକ୍ୟ ଜନିତ ମୃତ୍ୟୁ ଘଟିଛି । ସ୍ଥାନୀୟ ଅଞ୍ଚଳରେ ହରି ସାର ନାମରେ ପରିଚିତ ଶିକ୍ଷକ ହରେକୃଷ୍ଣ ହୋତାଙ୍କର 76 ବର୍ଷ ବୟସରେ ତାଙ୍କର ମୃତ୍ୟୁ ଘଟିଛି । ଢେଙ୍କାନାଳ ସହର ଉପକଣ୍ଠରେ ଅବସ୍ଥିତ ବ୍ରଜନାଥ ବଡ଼ଜେନା ଉଚ୍ଚ ବିଦ୍ୟାଳୟରେ ଶିକ୍ଷାଲାଭ କରି ବଣସିଙ୍ଗ ଗ୍ରାମର ଉଚ୍ଚ ବିଦ୍ୟାଳୟରେ ଦୀର୍ଘ ଦିନ ଧରି ଶିକ୍ଷକତା କରି 2006 ମସିହାରେ ଶିକ୍ଷକ ଜୀବନରୁ ଅବସର ନେଇଥିଲେ । ସେ ଜଣେ ବିଜ୍ଞ, ମେଳାପି, ଶିଶୁ ପ୍ରେମୀ ଶିକ୍ଷକ ଥିଲେ । ତାଙ୍କର ମୃତ୍ୟ ଖବର ସମଗ୍ର ଅଂଚଳରେ ଖେଳିଯିବା ପରେ ଶୋକ ର ଲହରି ସମଗ୍ର ଅଂଚଳରେ ଖେଳିଯାଇଛି ।
