ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ୨୦୨୧ ଜାନୁଆରୀ ୨ ରୁ ୮ତାରିଖ ପର୍ଯ୍ୟନ୍ତ ଅନୁଷ୍ଠିତ କଟକ ମହୋତ୍ସବ ଅଲ୍ ଇଣ୍ଡିଆ ଡ୍ୟାନ୍ସ , ମ୍ୟୁଜିକ ଆଣ୍ଡ ରିସାଇଟେସନ୍ ଫେଷ୍ଟିଭାଲରେ ଗଜପତି ଜିଲ୍ଲା କାଶୀନଗର ବ୍ଲକ କେ.ସୀତାପୁର ଗ୍ରାମର ଯୁବ କଳାକାର ନରସିଂହ ପ୍ରସାଦ ଚରତିଙ୍କୁ ଜାତୀୟ କଳା ତିଳକ ସମ୍ମାନ ମିଳିଛି । କରୋନା କଟକଣା ଯୋଗୁଁ ଏହି ପ୍ରତିଯୋଗିତା ଅନଲାଇନ୍ ମାଧ୍ୟମରେ ହୋଇଥିଲା । ଗଜପତି ଜିଲ୍ଲାର ଏହି ଯୁବ କଳାକାର ତବଲା ବାଦନରେ ଅଂଶ ଗ୍ରହଣ କରିଥିଲେ । ଉତ୍କଳ ଯୁବ ସାଂସ୍କୃତିକ ସଂଘ ପକ୍ଷରୁ ଡାକ ଯୋଗେ ଏହି ସମ୍ମାନ ତାଙ୍କ ପାଖକୁ ପଠାଇଥିଲେ।
ପାରଳାଖେମୁଣ୍ଡି ସ୍ଥିତ ଭକ୍ତି ସଙ୍ଗୀତ ସଂସଦ ଠାରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ କଳାସାରଥି ଗୁରୁ ରଘୁନାଥ ପାତ୍ର , ଗୁରୁ ବିଜୟ ଚନ୍ଦ୍ର ପ୍ରଧାନ ଉପସ୍ଥିତ ରହି ନରସିଂହ ପ୍ରସାଦ ଚରତିଙ୍କୁ ଏହି ପ୍ରମାଣପତ୍ର , ସ୍ମାରକୀ ଓ ଉତ୍ତରୀୟ ପ୍ରଦାନ କରିଥିଲେ । ଏହି ସମ୍ମାନ ପାଇବା ପରେ ନିଜର ବାପା , ମାଆ , ଶିଳାଦିତ୍ୟ ରଥ , ଗୁରୁନାନୀ ଏବଂ ଲିଜାଙ୍କୁ ଧନ୍ୟବାଦ ଦେଇଛନ୍ତି ନରସିଂହ ।
