ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : କନ୍ଧମାଳରୁ ଆସୁଥିବା ଏକ ଗଞ୍ଜେଇ ବୋଝେଇ ସଫାରି (OR02BA1008) ଗାଡ଼ି କୁ NH 55 ନିକଟବର୍ତ୍ତୀ ଶକ୍ତି ସୁଗାର ପାଖରେ ଜବତ କରିଛି ଢେଙ୍କାନାଳ ପୁଲିସ । ଗାଡିଟି କନ୍ଧମାଳରୁ ଗଞ୍ଜେଇ ନେଇ ଭୁବନେଶ୍ୱର ଅଭିମୁଖେ ଯାଉଥିବାର ଖବର ପାଇ ଢେଙ୍କାନାଳ ପୋଲିସ ଫୋର୍ସ ସହ ଜଗିଥିଲା । ଦିନ ପ୍ରାୟ 3.45 ସମୟରେ ଗାଡିଟି ବାଏପାସ ଦେଇ ଯାଉଥିବା ବେଳେ ଢେଙ୍କାନାଳ ଟାଉନ ଥାନା ଅଧିକରିଣୀ ଫୋର୍ସ ସହ ଗାଡିକୁ ପିଛା କରି ଧରିଥିଲେ । ଗ୍ରେ ରଙ୍ଗର ସଫାରି ଗାଡିରୁ 34 କେଜି 242 ଗ୍ରାମ ର ଗଞ୍ଜେଇ, 4ଟି ମୋବାଇଲ ଫୋନ ସହ ନଗଦ 1000 ଟଙ୍କା ଜବତ କରାଯାଇଛି ବୋଲି ପୋଲିସ SDPO ଶ୍ରୀହର୍ଷ ମିଶ୍ର ସାମ୍ବାଦିକ ମାନଙ୍କୁ ତଥ୍ୟ ପ୍ରଦାନ କରିଛନ୍ତି । ଏହି ଘଟଣାକୁ ନେଇ ଢେଙ୍କାନାଳ ଟାଉନ ପୋଲିସ u/s 20(b)(ii)(c) NDPS act 1985 ରେ ଏକ କେସ ରୁଜୁ କରି ତଦନ୍ତ ଚାଲୁ ରଖିଛି ।
