ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଓଡ଼ପଡା ସାମ୍ବାଦିକ ସଂଘ ତରଫରୁ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଢେଙ୍କାନାଳ ର ପ୍ରମେୟ ଖବରକାଗଜ ପାଇଁ ସାମ୍ବାଦିକ ରୂପେ କାମ କରୁଥିବା ଆଦିତ୍ୟଙ୍କ ର ଦୁଇଟି କିଡନୀ ନଷ୍ଟ ହୋଇଯାଇଥିବାରୁ ,ତାଙ୍କୁ ଆର୍ଥିକ ସହାୟତା ପ୍ରଦାନ ପାଇଁ ଏହି ବୈଠକ ଅନୁଷ୍ଠିତ ହୋଇଥିଲା ।
ବୈଠକରେ ଢେଙ୍କାନାଳ ଜିଲ୍ଲା ସାମ୍ବାଦିକ ସଂଘର ସାଧାରଣ ସମ୍ପାଦକ ସତ୍ୟ ସ୍ୱରୂପ ଦାସ , ନକ୍ଷତ୍ର ଟିଭିର ସାମ୍ବାଦିକ ବିକାଶ ପଣ୍ଡା ଙ୍କ ସହ ଅନ୍ୟ କର୍ମକର୍ତ୍ତା ମାନେ ଯୋଗ ଦେଇଥିଲେ । ସେମାନଙ୍କ ସହ ଓଡ଼ପଡା ସାମ୍ବାଦିକ ସଂଘର ସମସ୍ତ ସାମ୍ବାଦିକ ଭାଇମାନେ ମଧ୍ୟ ଉପସ୍ଥିତ ଥିଲେ । ସାମ୍ବାଦିକ ଆଦିତ୍ୟଙ୍କ ଚିକିତ୍ସା ପାଇଁ ଓଡ଼ପଡା ସାମ୍ବାଦିକ ସଂଘ ତରଫରୁ ଆର୍ଥିକ ସହାୟତା କରିବା ସହ ଆଦିତ୍ୟଙ୍କ ସୁସ୍ଥ ଜୀବନ କାମନା କରିଥିଲେ ।
