ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ଜିଲ୍ଲାର ବିଭିନ୍ନ ସମବାୟ ସମିତିର ଧାନ ବିକ୍ରୟକୁ ନେଇ ଜନ ଅସନ୍ତୋଷ ଦେଖା ଦେଇଛି । ଚାଷୀମାନଙ୍କର ପୁଞ୍ଜୀଭୂତ ଅସନ୍ତୋଷ ସ୍ୱରୂପ ଢେଙ୍କାନାଳ ସହର ଦେଇ ଯାଇଥିବା ୫୫ ନମ୍ବର ଜାତୀୟ ରାଜପଥରେ ଦେଖିବାକୁ ମିଳିଛି ପ୍ରତିବାଦ । ଢ଼େଙ୍କାନାଳ ଜିଲ୍ଲାର ୨୦ ରୁ ଅଧିକ ସମବାୟ ସମିତିରେ ଧାନ କ୍ରୟ ଓ ଧାନ ମଣ୍ଡିରେ ଦେଖା ଯାଇଥିବା ଅନିୟମିତତା କୁ କେନ୍ଦ୍ର କରି ଚାଷୀ ମାନଙ୍କ ମଧ୍ୟରେ ଅସନ୍ତୋଷ ଦେଖା ଯାଇଛି ।
ଚାଷୀ ମାନେ ବାରମ୍ବାର ଏ ସମ୍ବନ୍ଧୀୟ ସମସ୍ୟାକୁ ଜିଲ୍ଲାପାଳଙ୍କ ଆଗରେ ଉପସ୍ଥାପିତ କଲେ ମଧ୍ୟ କିଛି ସୁଫଳ ନ ମିଳିବାରୁ ପରିଶେଷରେ ଆଜି ଉତ୍ୟକ୍ତ ଚାଷୀମାନେ ଢେଙ୍କାନାଳ ସହରକୁ ଲାଗି ରହିଥିବା ୫୫ ନମ୍ବର ଜାତୀୟ ରାଜପଥରେ ଯୋଗାଣ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ରାଜପଥ କୁ ଅବରୋଧ କରିବା ସହ ବିକ୍ଷୋଭ ପ୍ରଦର୍ଶନ କରିଥିଲେ ।
