କଣିହାଁ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ଅନୁଗୋଳ ଜିଲ୍ଲା ତାଳଚେର ନିର୍ବାଚନ ମଣ୍ଡଳୀ ର, କଣିହାଁ ଅଞ୍ଚଳ ରେ ଆଜି ଆନନ୍ଦ ଉଲ୍ଲାସର ସହିତ ଶାନ୍ତି ଏବଂ ଭକ୍ତିର ବାତାବରଣ ଦେଖିବାକୁ ମିଳିଛି । ଭୂଇଁପୁର ଗ୍ରାମର ଗ୍ରାମ ଦେବତୀ ମା’ ଗ୍ରାମେଶ୍ଵରୀଙ୍କ ପାଇଁ ନିର୍ମାଣ ହୋଇଥିବା ମନ୍ଦିରର ପ୍ରତିଷ୍ଠା ଉତ୍ସବ ଅବସରରେ ସମଗ୍ର ଗ୍ରାମରେ ସୃଷ୍ଟି ହୋଇଛି ଆଧ୍ୟାତ୍ମିକ ପରିବେଶ । ମହା ସମାରୋହରେ ମାଙ୍କ ପ୍ରତିଷ୍ଠା ଉତ୍ସବ ପାଳିତ ହୋଇଯାଇଛି ।
ସକାଳ ଆଠ ଘଟିକା ସମୟରୁ ବଡହିରା ଶିବ ମନ୍ଦିର ନିକଟସ୍ଥ ନଦୀରୁ ରୀତି ନୀତି ଅନୁସାରେ କଳସ ପୂଜା ଅର୍ଚ୍ଚନା କରି କଳସ ଯାତ୍ରା କାର୍ଯ୍ୟକ୍ରମ ଆରମ୍ଭ ହୋଇଥିଲା । ନଅ ଘଟିକା ସମୟରେ କଳସ ଯାତ୍ରା ଆସି ଯଜ୍ଞ ମଣ୍ଡପ ପାଖରେ ପହଞ୍ଚି କଳସ ସ୍ଥାପନ କରାଯାଇ ନାମ ହୋମ ଯଜ୍ଞ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଘଣ୍ଟ ଘଣ୍ଟା ହରିବୋଲ ହୁଳହୁଳି ଧ୍ୱନୀ ମଧ୍ୟରେ ରେ ମା ଗ୍ରାମେଶ୍ଵରୀ ଙ୍କୁ ନୂତନ ମନ୍ଦିରରେ ସ୍ଥାପନା କରଯାଇଥିଲା । ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଢେଙ୍କାନାଳ ସାଂସଦ ମହେଶ ସାହୁ , ତାଳଚେର ବିଧାୟକ ବ୍ରଜ କିଶୋର ପ୍ରଧାନ, କାଳନ୍ଦୀ ସାମଲ ଏବଂ ଅନେକ ନାମ ପ୍ରେମୀ ବରିଷ୍ଠ ନାଗରିକ ଏବଂ ଶ୍ରଦ୍ଧାଳୁ ।
