ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ସହରର ରଥଗଡା ପାଖରେ ଥିବା ଦେବକନ୍ୟା ହୋଟେଲ ମଧ୍ୟରେ TPCODL ଦ୍ୱାରା ଆନ୍ତର୍ଜାତିକ ମହିଳା ଦିବସ ପାଳିତ ହୋଇଯାଇଛି । ମହିଳାମାନଙ୍କୁ ସମ୍ମାନ ତଥା ସୁରକ୍ଷିତ ରଖିବା ଉଦେଶ୍ୟରେ ସମଗ୍ର ବିଶ୍ୱ ମହିଳା ଦିବସ ପାଳନ କରୁଅଛି । ଅନୁରୂପ ଭାବେ TPCODL ମଧ୍ୟ ମହିଳା ମାନଙ୍କୁ ଆଜିର ଦିନରେ ସମ୍ବର୍ଦ୍ଧିତ କରିଅଛି । ଆଜିର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ବିଭାରଣୀ ପାତ୍ର , ସମ୍ମାନୀତ ଅତିଥି ଦୀପ୍ତିମୟୀ ପାତ୍ର ଯୋଗ ଦେଇଥିଲେ । ଆଜି କାର୍ଯ୍ୟକ୍ରମର ବିଶେଷତା ସମ୍ପର୍କରେ କମ୍ପାନୀର ପ୍ରୋକ୍ୟୁର୍ମେଣ୍ଟ ହେଡ଼ ପ୍ରଦୀପ ଜୈନ ନିଜର ଅଭିମତ ରଖିଥିଲେ . ନିମନ୍ତ୍ରିତ ଅତିଥି ମାନେ କମ୍ପାନୀର ମହିଳା କର୍ମଚାରୀ ମାନଙ୍କୁ ଉଦବୋଧନ ଦେଇ ନିଜକୁ ଆଜିର ସମାଜ ସହ ଲଢ଼ିବା ପାଇଁ ସ୍କିଲ ର ଆବଶ୍ୟକତା ସମ୍ବନ୍ଧରେ ନିଜର ମତ ରଖିଥିଲେ । ମହିଳା ମାନଙ୍କର ସୁରକ୍ଷା ପାଇଁ ଏକ ଶପଥ ପାଠ ମଧ୍ୟ କରାଯାଇଥିଲା । ଏଥି ସହ ସାଂସ୍କୃତିକ କାର୍ଯ୍ୟକ୍ରମର ମଧ୍ୟ ଆୟୋଜନ କରାଯାଇଥିଲା । ପ୍ରୋଗ୍ରାମ ଟି ମାନବ ସମ୍ବଳ ବିଭାଗୀୟ ପ୍ରବନ୍ଧକ ଅଳକା ନନ୍ଦ, ବିଶ୍ୱନାଥ ଖୁଣ୍ଟିଆ ଏବଂ ମୁକେଶ ସିଂ ଙ୍କ ସହଯୋଗରେ ସଂଚାଳିତ ହୋଇଥିଲା ।
