ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ଜିଲ୍ଲାର ଭାପୁର ନିକଟବର୍ତ୍ତୀ ରଥପଦା ଓ ଘଟିପିରି ରାସ୍ତାରେ ଘଟିଯାଇଛି ମର୍ମନ୍ତୁଦ ଦୁର୍ଘଟଣା । ସୂଚନା ଅନୁଯାୟୀ ଦୁର୍ଘଟଣାରେ ଜଣେ ଆର୍ମି ଯବାନଙ୍କ ସମେତ ଅନ୍ୟ ଜଣେ ଯୁବକଙ୍କର ମୃତ୍ୟୁ ଘଟିଛି । ଗଣ୍ଡନଳୀ ଗ୍ରାମର ଗୋପବନ୍ଧୁ ରାଉତ ଏବଂ କୋତ୍ତମ ଗ୍ରାମର ମନୋଜ ବେହେରା ଏକ ବ୍ୟକ୍ତିଗତ କାମରେ ସ୍ୱିଫ୍ଟ ଡିଜେୟର (OD 19 J 3152 ) ଯୋଗେ ଘଟିପିରିରୁ ଆସୁଥିବା ସମୟରେ ରଥପଦା ନିକଟରେ ବିପରୀତ ଦିଗରୁ ଆସୁଥିବା ଏକ ହାଇୱା (OD 05 M 5018) ତାଙ୍କ ଗାଡିଉପରେ ଚଢ଼ି ଯାଇଥିଲା । ଯାହାଫଳରେ ଘଟଣା ସ୍ଥଳରେ ଦୁଇ ଜଣଙ୍କର ମୃତ୍ୟୁ ଘଟିଛି । ଗୋପବନ୍ଧୁ ରାଉତ ଭାରତୀୟ ସେନାରେ ଅରୁନାଚଳ ଠାରେ କାର୍ଯ୍ୟ କରୁଥିବା ସ୍ଥଳେ ଏହି କିଛିଦିନ ତଳେ ଛୁଟିରେ ଆସିଥିଲେ । ଘରେ ତାଙ୍କର ସ୍ତ୍ରୀ ସହ ଏକ 3 ବର୍ଷ ର ଝିଅ ଅଛି । ଦୁର୍ଘଟଣା ସମ୍ପର୍କରେ ଖବର ପ୍ରଚାରିତ ହେବା ପରେ ସମଗ୍ର ଅଂଚଳରେ ଶୋକର ଛାୟା ଖେଳିଯାଇଛି ।
