ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ ଜିଲ୍ଲା ରଣପୁର ପୋଲିସ କୁ ମିଳିଛି ବଡ ସଫଳତା l ବିଭିନ୍ନ ଥାନା ରେ ଏକାଧିକ ମାମଲା ରେ ସମ୍ପୃକ୍ତ ଥାଇ ପୋଲିସ କୁ ଚକମା ଦେଇ ଫେରାର ଥିବା ଗଣେଶ ଭୋଳ ଓରଫ ଗଣୁ କୁ ରଣପୁର ପୋଲିସ ଗିରଫ କରିଥିବା ଜଣାପଡିଛି l ରଣପୁର ପୋଲିସର ସୂଚନା ଅନୁସାରେ ରଣପୁର ଏନଏସି ଅନ୍ତର୍ଗତ ପୁରୁଣାବସନ୍ତ ଗ୍ରାମ ର ଗଣେଶ ଭୋଳ (26) ନାମକ ଯୁବକ ନାମରେ ରଣପୁର ସମେତ ରାଜ୍ୟ ର ବିଭିନ୍ନ ଥାନା ରେ ପ୍ରାୟ ଅଠର ରୁ ଉର୍ଦ୍ଧ ମାମଲା ରହିଅଛି . ପୋଲିସ କୁ ଚକମା ଦେଇ ବହୁ ଦିନ ଧରି ଫେରାର ଥିଲା ଗଣେଶ , ତେବେ ରଣପୁର ପୋଲିସ ଗଣେଶ କୁ ଧରିବା ପାଇଁ ଯୋଜନା ପ୍ରସ୍ତୁତ କରିଥିଲା ବେଳେ ଏକ ବିଶେଷ ସୂତ୍ରରୁ ଖବର ପାଇ ରଣପୁର ଆଇ.ଆଇ.ସି ଜ୍ୟୋତି ରଞ୍ଜନ ପଣ୍ଡା ଙ୍କ ନିର୍ଦ୍ଦେଶ କ୍ରମେ ସବ ଇନ୍ସପେକ୍ଟର ପ୍ରିତୀ ପ୍ରକାଶ ମହାନ୍ତି ଓ ତାଙ୍କ ଟିମ ବୁଧବାର ରାତି ରେ ରଣପୁର ନିକଟସ୍ଥ ସନାଗଡ଼ ଗ୍ରାମରେ ଚଢ଼ାଉ କରି ଗଣେଶକୁ ଗିରଫ କରି କୋର୍ଟ ଚାଲାଣ କରିଥିଲେ l ଅଭିଯୁକ୍ତର ଜାମିନ ନାମଞ୍ଜୁର ହେବାରୁ ତାକୁ ଜେଲ ହାଜତ କୁ ପଠେଇ ଦିଆଯାଇଛି l
