କନ୍ଧମାଳ ( ଆୱାଜ଼ ମିଡ଼ିଆ ) – ସଞ୍ଜୟ କୁମାର ପାଣିଗ୍ରାହୀ : କନ୍ଧମାଳ ଓ ବୌଦ୍ଧ ଜିଲା ର ମିଳିତ ଉଦ୍ୟମରେ ଆଦିବାସୀ ମାନଙ୍କ ସଂଘ କୁଇ ସମାଜ ସେବା ସମିତିର ବାର୍ଷିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ବୌଦ୍ଧର ବାଘଝର ଠାରେ ଆୟୋଜିତ ଏହି କାର୍ଯ୍ୟକ୍ରମରେ ଫୁଲବାଣୀ ବିଧାୟକ ଅଙ୍ଗଦ କହଁର ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ସମିତିର ସଭାପତି ଗୋବିନ୍ଦ ଚନ୍ଦ୍ର ଘଟାଲଙ୍କ ପୌରୋହିତ୍ୟରେ ଆୟୋଜିତ ଏହି ସମ୍ମିଳନୀରେ ଆଦିବାସୀ ଙ୍କ ଉନ୍ନତି କଳ୍ପେ ଅନେକ କାର୍ଯ୍ୟ କରିବାର ଅଛି ବୋଲି ଆଲୋଚନା କରାଯାଇଥିଲା । ଏହି ଆଲୋଚନାରେ କେତେକ ପ୍ରଶାସନିକ ଅଧିକାରୀ ଆଦିବାସୀ ମାନଙ୍କର ସରଳତାର ସୁଯୋଗ ନେଇ ଶୋଷଣ ଓ ଠକୁଥିବା ଅଭିଯୋଗ ର ଏକ ନିରପେକ୍ଷ ତଦନ୍ତ, ଚାକିରୀ ଓ ନୀରିହ ଆଦିବାସୀ ଙ୍କ ଜମି ହଡପକୁ ରୋକିବା, ଆଦିବାସୀଙ୍କ ମ୍ୟୁଜିୟମ ପ୍ରତିଷ୍ଠା ପାଇଁ ପଦକ୍ଷେପ ନେବାକୁ ବିଧାୟକଙ୍କୁ କହିଥିଲେ । ବାଘଝରୀ ଠାରେ କୁଇ ସମାଜର ନୂତନ ଶାଖାକୁ ବିଧାୟକ ଉଦଘାଟନ କରିଥିଲେ ।ସୁଦର୍ଶନ କହଁର, ଭାଗିରଥି କହଁର, କଣ୍ଠେଶ୍ୱର କହଁର,କେଶବ କହଁର, ଅନ୍ତର୍ଯ୍ୟାମୀ ମଲିକ,ପତରା କହଁର, ଗୌତମ ପ୍ରଧାନ ପ୍ରମୁଖ ଉପସ୍ଥିତ ରହି ଆଦିବାସୀ ମାନଙ୍କ ସୁରକ୍ଷା ଓ ବିକାଶ ଉପରେ ମତ ରଖିଥିଲେ । ଜଙ୍ଗଲ ଜମି ର ଅଧିକାର ଅନେକ ପାଇ ନଥିବା ଏବଂ ପାଇଥିଲେ ବି ଚିହ୍ନଟ ହୋଇଥିବା ବିଷୟ ମଧ୍ୟ ବିଧାୟକଙ୍କ ଦୃଷ୍ଟି କୁ ଆଣିଥିଲେ l
