ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ଜିଲ୍ଲାରେ କାର୍ଯ୍ୟରତ ସାମ୍ବାଦିକ ମାନଙ୍କୁ କୋଭିଡ ଟିକାକରଣ କରାଯାଇଛି . ଜିଲ୍ଲା ପ୍ରଶାସନ ପକ୍ଷରୁ ସାମ୍ବାଦିକ ମାନଙ୍କୁ ସ୍ୱତନ୍ତ୍ର ଭାବେ କୋଭିଡ ଟିକା ର ପ୍ରଥମ ଡୋଜ ପ୍ରଦାନ କରାଯାଇଛି । ସୂଚନା ଓ ଲୋକସମ୍ପର୍କ ଅଧିକାରୀ ଡ. ପ୍ରମୋଦ ନାୟକ ଏବଂ ସୂଚନା ଲୋକସମ୍ପର୍କ ବିଭାଗର କର୍ମଚାରୀ ସିଦ୍ଧାର୍ଥ ଦେଓଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ନୟାଗଡ଼ ସାମ୍ବାଦିକ ଭବନ ପରିସରରେ ଜିଲ୍ଲା ର କାର୍ଯ୍ୟରତ ସାମ୍ବାଦିକ ମାନଙ୍କୁ ଟିକା ଦିଆଯାଇଥିଲା । ଏହି ଟିକା କରଣ ପ୍ରକ୍ରିୟାରେ ୨୬ ଜଣ ସାମ୍ବାଦିକ ଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ର ସ୍ୱାସ୍ଥ୍ୟ କର୍ମୀ ଗୀତାଞ୍ଜଳି ବେହେରା ଟିକା ଦେଇଥିଲେ । ବରିଷ୍ଠ ସାମ୍ବାଦିକ ରାମକୃଷ୍ଣ ରଥ , ଶ୍ରୀକାନ୍ତ ଖଟେଇ , ପ୍ରଦିପ୍ତ ରଥ ପ୍ରମୁଖ ଟିକା କରଣ କାର୍ଯ୍ୟକ୍ରମରେ ସହଯୋଗ କରିଥିଲେ ।
