ନରସିଂହପୁର ( ଆୱାଜ ମିଡ଼ିଆ ) – ଗୋପାଳ ଚନ୍ଦ୍ର ବେହେରା : କଟକ ଜିଲ୍ଲା ନରସିଂହପୁର ବନବିଭାଗ ର ପଶ୍ଚିମ ବନାଞ୍ଚଳ ଅନ୍ତର୍ଗତ ବାଲିକିଆରୀ ରେଞ୍ଜ ରୁ 10 କେଜି କୁଟୁରା ମାଂସ ଓ ଚୋରା ଦେଶୀ ବନ୍ଧୁକ ସହିତ ଜଣେ ଶିକାରୀ ଗିରଫ ହୋଇଛି । ନରସିଂହପୁର ପଶ୍ଚିମ ବନାଞ୍ଚଳ ରେଞ୍ଜର ଅଶୋକ କୁମାର ବେହେରା ଚଢ଼ାଉ କରି ଶିକାରୀ ଙ୍କୁ ଗିରଫ କରିଛନ୍ତି । ସୂଚନା ଅନୁଯାୟୀ ବାଲିକିଆରୀ ଗ୍ରାମର ସତ୍ୟବାଦୀ ବେହେରା ନିଜ ପାଖରେ ରଖିଥିବା ଏକ ଚୋରା ଦେଶୀ ବନ୍ଧୁକ ରେ କୁଟୁରା ଶିକାର କରି ଘରକୁ ଆଣିଥିଲା । ବିଶେଷ ସୂତ୍ରରୁ ଖବର ପାଇ ପଶ୍ଚିମାଞ୍ଚଳ ବନ ଅଧିକାରୀ ଅଶୋକ କୁମାର ବେହେରା ଅନ୍ୟ ବନ କର୍ମଚାରୀ ମାନଙ୍କ ସହିତ ବାଲିକିଆରୀ ଯାଇ ସତ୍ୟବାଦୀ ବେହେରା ମାଂସ କାଟୁଥିବା ବେଳେ ଗିରଫ କରିଥିଲେ । ଗିରଫ ସମୟରେ ବନ ବିଭାଗର ଅଧିକାରୀ ମାନେ ସତ୍ୟବାଦୀ ଙ୍କ ଠାରୁ ଏକ ଚୋରା ଦେଶୀ ବନ୍ଧୁକ ଜବତ କରିଥିବା ବେଳେ 10 କେଜି କୁଟୁରା ମାଂସ କୁ ମଧ୍ୟ ଜବତ କରିଥିଲେ । ଜବତ କରିଥିବା ମାଂସ କୁ ବନ ବିଭାଗ ଅଧିକାରୀ ପୋତି ଦେଇଛନ୍ତି ।
