ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହରା : ଢେଙ୍କାନାଳ ସହର ର ଅଭିନନ୍ଦନ ଗାର୍ଡେନ ଠାରେ ଜିଲ୍ଲା ବିଜେପି ଯୁବମୋର୍ଚ୍ଚା ତରଫରୁ ଏକ ରକ୍ତଦାନ ଶିବିର ଆୟୋଜିତ ହୋଇଯାଇଛି । ସମଗ୍ର ଦେଶରେ କରୋନା ର ଦ୍ୱିତୀୟ ଲହରୀ ଚାଲିଥିବା ହେତୁ , ବିଭିନ୍ନ ଚିକିତ୍ସାଳୟରେ ଦେଖା ଦେଇଛି ରକ୍ତ ଅଭାବ ଜନିତ ପରିସ୍ଥିତି । ତେଣୁ ମାନ୍ୟବର ପ୍ରଧାନମନ୍ତ୍ରୀଙ୍କ ଆହ୍ୱାନ କ୍ରମେ ବିଜେପି ତରଫରୁ ସମଗ୍ର ଭାରତରେ ସେବା ହିଁ ସଂଗଠନ ମାଧ୍ୟମରେ ରକ୍ତଦାନ କରି ରକ୍ତ ସଙ୍କଟ ସମସ୍ୟାକୁ ସମାଧାନ କରିବା ପାଇଁ ଆରମ୍ଭ ହୋଇଛି ପ୍ରୟାସ । ବର୍ତମାନ ସମଗ୍ର ଭାରତ ବର୍ଷରେ ମେଡିକାଲ ମାନଙ୍କରେ ରକ୍ତର ଅଭାବ ଥିବାରୁ ଏହି କାର୍ଯ୍ୟକ୍ରମ ମାଧ୍ୟମରେ ଲୋକ ମାନଙ୍କର ସେବା କରାଯାଇ ପାରୁଛି । ତେଣୁ ଆଜି ଢେଙ୍କାନାଳରେ ଏହି ରକ୍ତଦାନ ଶିବିର ଅନୁଷ୍ଠିତ କରାଯାଇଥିଲା । ଏହାକୁ ଉଦଘାଟନ କରିଥିଲେ ପୂର୍ବତନ ବିଜେପି ବିଧାୟକ କୃଷ୍ଣଚନ୍ଦ୍ର ପାତ୍ର, ଜିଲ୍ଲା ବିଜେପି ନେତା ନରେଶ ଚନ୍ଦ୍ର ମହାପାତ୍ର , ମହାଦୀପ ଯଶୋବନ୍ତ ମହିମା , ସଂକଳ୍ପ ଦାଶ ପ୍ରମୁଖ ଉପସ୍ଥିତ ଥିଲେ । ଆଜିର ଏହି ରକ୍ତଦାନ ଶିବିର ରେ 61 ୟୁନିଟ ରକ୍ତ ସଂଗ୍ରହ କରାଯାଇଛି ।
