ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ସହରରେ ଦିନକୁ ଦିନ ବଢ଼ିବାରେ ଲାଗିଛି ଧଳା ଜହର ର ପ୍ରଭାବ। ଯୁବ ସମାଜକୁ କବଳିତ କରିବାରେ ଲାଗିଛି ଏହି ଜହର । ଏକ ସପ୍ତାହ ମଧ୍ୟରେ ୧୯ ଗ୍ରାମ ବ୍ରାଉନ ସୁଗାର ଜବତ କରିବା ସହିତ ସମ୍ପୃକ୍ତ ବ୍ୟବସାୟୀ ଙ୍କୁ ଗିରଫ କରିବାରେ ନୟାଗଡ଼ ପୋଲିସ ସଫଳ ହୋଇଥିବା ବେଳେ ଆଜି ଆଉ ଦୁଇ ଜଣ ଙ୍କୁ ଗିରଫ କରାଯାଇଛି । ଘଟଣା ରୁ ପ୍ରକାଶ ଖୋର୍ଦ୍ଧା ଜିଲ୍ଲା ନାଲିପଦର ଅର୍ଜୁନପୁର ଗ୍ରାମ ର କୃଷ୍ଣ ଚନ୍ଦ୍ର ନାୟକ ଙ୍କ ପୁଅ ସିଦ୍ଧାର୍ଥ ରଞ୍ଜନ ନାୟକ (୨୪ ) ଓ ପୁବୁସାହି ଗୋପାଳ ନାୟକଙ୍କ ପୁଅ ପ୍ରକାଶ ନାୟକ ( ୨୬) ନୟାଗଡ଼ ରେଳ ଷ୍ଟେସନ ଠାରେ ବ୍ରାଉନ ସୁଗାର ବ୍ୟବସାୟ ଚଳାଇ ଥିବା ଖବର ପାଇ ଟାଉନଥାନା ଆଇଆଇସି ଜୟଦୀପ ମହାନ୍ତି ଙ୍କ ନେତୃତ୍ୱରେ ଏକ ଟିମ୍ ଚଢାଉ କରି ଏହି ଦୁଇ ଜଣଙ୍କୁ ଗିରଫ କରିଛି । ସେମାନଙ୍କ ଠାରୁ ୪ ଗ୍ରାମ ୩୧୦ ମିଲିଗ୍ରାମ ଓଜନର ୫୫ ଟି ବ୍ରାଉନ ସୁଗାର ପୁଡିଆ ଜବତ କରିବା ସହ ଏହି ଦୁଇ ଜଣଙ୍କୁ ଗିରଫ କରିଥିବା ସୂଚନା ଦେଇଛି ନୟାଗଡ଼ ଟାଉନ ଥାନା ପୋଲିସ ।
