କଣିହାଁ ( ଆୱାଜ ମିଡ଼ିଆ ) – ଅଶ୍ୱିନୀ କୁମାର ଦେବତା : ଅନୁଗୋଳ ଜିଲ୍ଲା କଣିହାଁ ଅଧୀନସ୍ଥ ବଡକାଠିଆ ସଂରକ୍ଷିତ ଜଙ୍ଗଲ ରୁ ଜଣେ ଶିକାରୀକୁ ବନବିଭାଗ ଗିରଫ କରିବା ସହ ତା’ ପାଖରୁ ଏକ ବନ୍ଧୁକ ଜବତ କରିଛି l ଗିରଫ ଅଭିଯୁକ୍ତ ଜଣକ କଣିହାଁ ଥାନା ବଡ଼ତ୍ରିବିଡା ପଞ୍ଚାୟତ ବାରିହାପୁର ଗ୍ରାମର ସୁଦାମ ସାହୁ (୪୫) l ସମ୍ପୃକ୍ତ ବ୍ୟକ୍ତି ସଂରକ୍ଷିତ ଜଙ୍ଗଲରେ ଜନ୍ତୁ ଶିକାର କରୁଥିବାର ସୂଚନା ପାଇଁ ବନବିଭାଗ ପକ୍ଷରୁ ବଡକାଠିଆ ଜଙ୍ଗଲରେ ଅତର୍କିତ ଚଢ଼ାଉ କରି ଅଭିଯୁକ୍ତ ସୁଦାମକୁ ଗିରଫ କରିବା ସହିତ ଜନ୍ତୁ ଶିକାର ପାଇଁ ବ୍ୟବହୃତ ବନ୍ଧୁକକୁ ଜବତ କରିଥିଲା l ଏନେଇ ବନ୍ୟଜନ୍ତୁ ନିରୋଧ ଆଇନରେ ଏକ ମାମଲା ରୁଜୁ କରିଛି ବନ ବିଭାଗ l କଣିହାଁ ସିଏଚସିରେ ଅଭିଯୁକ୍ତ ସୁଦାମର କୋଭଡ଼ି ଟେଷ୍ଟ କରାଯାଇଛି l ରିପୋର୍ଟ ଆସିଲା ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ରେଞ୍ଜ ଅଧିକାରୀ ନୀଳମଣୀ ଦେହୁରୀ ସୂଚନା ଦେଇଛନ୍ତି l
