ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦାଗଡରେ କରୋନା ଦ୍ଵିତୀୟ ଲହର କ୍ଷୀପ୍ର ଗତିରେ ବ୍ୟପୁଥିବାରୁ ସୁକିନ୍ଦା ସରପଞ୍ଚଙ୍କ ନିର୍ଦ୍ଦେଶ କ୍ରମେ ସୁକିନ୍ଦା ଗଡ଼କୁ ୨ ତାରିଖରୁ ୪ ତାରିଖ ପର୍ଯ୍ୟନ୍ତ ସର୍ଟଡାଉନ ଘୋଷଣା କରାଯାଇଛି . ମହାମାରୀ କରୋନାର ଦ୍ଵିତୀୟ ଲହର ସାରା ଭାରତ ବର୍ଷ ପାଇଁ ଭୟଙ୍କର ଭାବେ ବ୍ୟାପକ ହୋଇ ବହୁ ଜନସାଧାରଣ କରୋନା ଆକ୍ରାନ୍ତ ହେଉଥିବା ବେଳେ ସୁକିନ୍ଦାଗଡ଼ ମଧ୍ୟ ଏଥିରୁ ବାଦ ପଡିନାହିଁ । ଦ୍ଵିତୀୟ ଲହରରେ ସୁକିନ୍ଦା ଗଡରୁ କିଛି ବ୍ୟକ୍ତି ମୃତ୍ୟୁ ବରଣ କରିଥିବା ବେଳେ ସ୍ଥାନୀୟ ଅଞ୍ଚଳରେ ଲୋକେ ଆତଙ୍କିତ ହୋଇ ଯାଇଥିବାରୁ ତାହାକୁ ଦୃଷ୍ଟିରେ ରଖି ସମସ୍ତ ଜନସାଧାରଣ ଓ ଅମାନିଆ ବ୍ୟକ୍ତି ମାନଙ୍କ ଉଦ୍ଦେଶ୍ୟରେ ସରକାରଙ୍କ ଘୋଷଣା କ୍ରମେ ଜିଲ୍ଲାପାଳ କ୍ଷମତା ପାଇଥିବା ସୁକିନ୍ଦା ସରପଞ୍ଚ ମନ୍ଦାକିନୀ ସେଠୀ ସୁକିନ୍ଦା କୁ 2 ତାରିଖ ବୁଧବାର ସକାଳ 5 ଘଟିକରୁ ରୁ 4 ତାରିଖ ଶୁକ୍ରବାର ସନ୍ଧ୍ୟା 5 ଘଟିକା ପର୍ଯ୍ୟନ୍ତ ସର୍ଟଡାଉନ ଘୋଷଣା କରିଛନ୍ତି . ଜରୁରୀକାଳୀନ ସେବା ତଥା ମେଡିକାଲ ମେଡିକାଲ ,ଔଷଧ ଦୋକାନ ଓ ଅନ୍ୟାନ୍ୟ ଅତି ଜରୁରୀ କାଳୀନ ଅତି ଆବଶ୍ୟକୀୟ ସେବା ଜରୁରୀ କାଳୀନ କାଗଜ ଦେଖାଇ ଯାତାୟାତ କରି ପାରିବେ . ଯଦି ଏହାକୁ କେହି ଅମାନ୍ୟ କରନ୍ତି ତେବେ ପ୍ରଶାସନିକ ଅଧିକାରୀ ମାନଙ୍କ ଦ୍ୱରା ସେହି ଅମାନିଆ ବ୍ୟକ୍ତିଙ୍କ ଉପରେ କୋଭିଡ 19 ନିୟମ ଖିଲାପ ଅପରାଧ ଅନୁସାରେ ମାମଲା ଦାୟର ହେବା ନେଇ ସ୍ପଷ୍ଟ କରିଛନ୍ତି ସ୍ଥାନୀୟ ପ୍ରଶାସନିକ ଅଧିକାରୀ ।
