ଗଣିଆ ପ୍ରେସ କ୍ଲବ ତରଫରୁ ଉପାନ୍ତ ଅଞ୍ଚଳରେ କରୋନା ସଚେତନତା କାର୍ଯ୍ୟକ୍ରମ !!!

ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ଜିଲ୍ଲା ଗଣିଆ ବ୍ଲକ ପ୍ରେସ କ୍ଲବ ତରଫରୁ ଦଶପଲ୍ଲା ନିର୍ବାଚନ ମଣ୍ଡଳୀ ର ଉପାନ୍ତ ଅଞ୍ଚଳରେ କରୋନା ସଚେତନତା ସହ, ସାବୁନ, ମାସ୍କ ବଣ୍ଟା ଯାଇଛି । ଆଦିବାସୀ ଅଧ୍ୟୁଷିତ ଅଞ୍ଚଳରେ ଜନସାଧାରଣ ଙ୍କୁ କରୋନା ସଚେତନତା ସହ ସମସ୍ତ ସୁବିଧା ସୁଯୋଗ ଯୋଗାଇ ଦିଆଯାଉଥିବା କୁହା ଯାଉଥିବା ବେଳେ ଗଣିଆର ଆଦିବାସୀ ଅଧ୍ୟୁଷିତ ଅଞ୍ଚଳରେ କିନ୍ତୁ ଏହାର ଚିତ୍ର ଭିନ୍ନ । ନା ଏଠାରେ ପହଞ୍ଚିଛି ମାସ୍କ ନା କୈାଣସି ସରକାରୀ ସୁବିଧା । ଗଣିଆ ପ୍ରେସ କ୍ଲବ ର ସଭାପତି ଦେବି ପ୍ରସାଦ ଦାସ ଙ୍କ ପ୍ରତିନିଧିତ୍ଵ ରେ କ୍ଲବ ର ସଦସ୍ୟ ମାନେ ଦଶପଲ୍ଲା ନିର୍ବାଚନ ମଣ୍ଡଳୀ ର ଛାମୁଣ୍ଡିଆ ପଞ୍ଚାୟତ ର ବଡମୁଳ ଏବଂ ଇକୋ ଭିଲେଜ ମୁଦୁଲି ଗାଡିଆ ରେ ସଚେତନତା କାର୍ଯ୍ୟକ୍ରମ କରିବା ସହିତ ଲୋକ ମାନଙ୍କୁ ମାସ୍କ , ସାବୁନ ଆଦି ବଣ୍ଟନ କରିଥିଲେ। ଯେଉଁ ଉପାନ୍ତ ଅଞ୍ଚଳରେ ସରକାରୀ ବାର୍ତ୍ତା କେବଳ କାଗଜ କଲମରେ ପହଞ୍ଚୁଛି ସେହି ଅଞ୍ଚଳ ରେ ସାମ୍ବାଦିକ ମାନେ ପହଞ୍ଚି ଜନସାଧାରଣ ସେବା କରିବା ସହ କରୋନା ସଚେତନତା କରିପାରି ଥିବାରୁ ସାଧାରଣ ରେ ପ୍ରଶଂସା ର ପାତ୍ର ହୋଇପାରିଛନ୍ତି। ଉପାନ୍ତ ଆଦିବାସୀ ଅଧ୍ୟୁଷିତ ଅଞ୍ଚଳରେ ଶିଘ୍ର ସରକାରୀ ସୁବିଧା ପହଞ୍ଚାଇବା ପାଇଁ ଗଣିଆ ପ୍ରେସ କ୍ଲବ କୋଷାଧ୍ୟକ୍ଷ ସମୀର କୁମାର ବେହେରା ଗଣମାଧ୍ୟମ ଜରିଆରେ ସରକାର ଙ୍କ ନିକଟରେ ଦାବି ରଖିଛନ୍ତି।