କନ୍ଧମାଳ ( ଆୱାଜ଼ ମିଡ଼ିଆ ) – ସଞ୍ଜୟ କୁମାର ପାଣିଗ୍ରାହୀ : କନ୍ଧମାଳ ଜିଲ୍ଲା ବାଲିଗୁଡ଼ା ବିଜ୍ଞାପିତ ଅଞ୍ଚଳ ଦଣ୍ଡପଦର ଗ୍ରାମରେ ଥିବା ଗୋଇବନ୍ଧା ଘାଇରେ ଗାଧୋଇବା ବେଳେ ଜଣେ ଯୁବକ ପ୍ରାଣ ହରାଇଛନ୍ତି । ସୂଚନା ମୁତାବକ କେତେକ ଯୁବକ ସାଙ୍ଗହୋଇ ଭୋଜି କରିବାକୁ ଯାଇଥିଲେ । ଭୋଜି କରିବା ସମୟରେ ହିଁ ଉକ୍ତ ଘାଇ କୁ ଗାଧୋଇବାକୁ ଯାଇଥିଲେ l ମୃତକ ଜଣକ ପାତ୍ରସାହି ର ରବି ଚନ୍ଦ୍ର ପାତ୍ର ଙ୍କ ପୁଅ ରୂପେଶ ଚନ୍ଦ୍ର ପାତ୍ର (୨୩) ବୋଲି ଜଣା ପଡ଼ିଛି । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଯୁବକକୁ ଉଦ୍ଧାର କରି ବାଲିଗୁଡ଼ା ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ , ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବାଲିଗୁଡ଼ା ପୋଲିସ୍ ପହଞ୍ଚି ତଦନ୍ତ ଚଳାଇଥିବା ଜଣାପଡ଼ିଛି ।
