ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଦୁର୍ଗାପୁର ପଞ୍ଚାୟତର ମାନ ଗୋବିନ୍ଦପୁର ମୌଜାର ବେଙ୍ଗିଟାଙ୍ଗୀ ସ୍ୱାସ୍ଥ୍ୟ ଉପକେନ୍ଦ୍ର ପରିସର ଏବେ ଗୁଳ୍ମଲତା ଓ ଘଞ୍ଚ ଜଙ୍ଗଲରେ ପରିପୂର୍ଣ୍ଣ ହୋଇ ସରୀସୃପ ମାନଙ୍କର ଆଶ୍ରୟ ସ୍ଥଳ ପାଲଟିବା ସହ ଅବ୍ୟବହୃତ ଅବସ୍ଥାରେ ପହଁଚିଛି । କରୋନା ମହାମାରୀ ସମୟରେ ସରକାର ଆଶା ଓ ସ୍ୱାସ୍ଥ୍ୟ କର୍ମଚାରୀ ଗ୍ରାମାଞ୍ଚଳରେ ସ୍ୱାସ୍ଥ୍ୟ ସେବା ଯୋଗାଇ ଦେବା ପାଇଁ କେନ୍ଦ୍ରଟି ନିର୍ମାଣ ହୋଇଥିବା ବେଳେ ଏବେ ଅବ୍ୟବହୃତ ହୋଇ ଜରାଜୀର୍ଣ୍ଣ ଅବସ୍ଥାରେ ପଡି ରହିଛି । ଏହି କେନ୍ଦ୍ରଟିରେ ପ୍ରାୟତଃ ୧୫ରୁ ଉର୍ଦ୍ଧ୍ବ ଗ୍ରାମ ନିର୍ଭର କରୁଥିବା ବେଳେ ସ୍ୱାସ୍ଥ୍ୟ କର୍ମଚାରୀ ନିଜ ଗୃହରେ ରୋଗୀ ସେବା ଯୋଗାଉଛନ୍ତି । ବିଭାଗୀୟ ଅଧିକାରୀ ଘଟଣା ପ୍ରତି ଦୃଷ୍ଟି ଦେଇ ସ୍ୱାସ୍ଥ୍ୟକେନ୍ଦ୍ର ଟି କିପରି ପୁନଃ କାର୍ଯ୍ୟକ୍ଷମ ହେବ ସେଥିପାଇଁ ପଦକ୍ଷେପ ଗ୍ରହଣ କରିବାକୁ ଦାବୀ ହେଉଛି ।
