ମୟୁରଭଞ୍ଜ ( ଆୱାଜ ମିଡ଼ିଆ ) – ଚନ୍ଦନ କୁମାର ଦାସ : ଜଣେ ଯୁବତୀଙ୍କୁ ଦୁଷ୍କର୍ମ କରିବା ଅଭିଯୋଗରେ ବିବାହିତ ଯୁବକ ଗିରଫ ! ଘଟଣା ଟି ଘଟିଛି ମୟୁରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକ ଗଡିଘାଟି ପଞ୍ଚାୟତ ଅଞ୍ଚଳରେ ! ଅଭିଯୁକ୍ତ ଯୁବକ ସୁଜିତ ସେନାପତି ଙ୍କୁ ଗିରଫ କରି କୋର୍ଟ ଚାଲାଣ କରିଛି ରାସଗୋବିନ୍ଦପୁର ପୋଲିସ ! ସୁଜିତ ବିବାହିତ ହୋଇଥିବା ବେଳେ ତାଙ୍କର ଦୁଇଟି ଝିଅ ଅଛନ୍ତି ! ଘଟଣାରୁ ପ୍ରକାଶ ଯେ , ଅଭିଯୁକ୍ତ ଙ୍କ ସାନ ଝିଅକୁ ଦୀର୍ଘ ଏକ ବର୍ଷ ଧରି ଟିଉସନ କରିବାକୁ ଆସୁଥିଲେ ପୀଡିତl ! ଗତ ଏପ୍ରିଲ ମାସ ଠାରୁ ପୀଡିତାଙ୍କ ଶହ ବଳ ପୂର୍ବକ ଦୁଷ୍କର୍ମ କରିବା ସହ ମୋବାଇଲ ରେ ଭିଡିଓ ଉଠାଇ ଥିଲେ ଅଭିଯୁକ୍ତ ସୁଜିତ ସେନାପତି ! ଏ କଥା ବାହାରେ ପ୍ରଘଟ କଲେ ବାପା ମା ଙ୍କୁ ହତ୍ୟା କରିବା ସହ ସୋସିଆଲ ମିଡ଼ିଆରେ ଭିଡ଼ିଓ ଭାଇରଲ କରିବା ନେଇ ଧମକ ମଧ୍ୟ୍ୟ ଦେଇଥିଲେ ଅଭିଯୁକ୍ତ ! ତେବେ ଗତ 23 ତାରିଖ ଦିନ ଟିଉସନ କରିବାକୁ ଘରକୁ ଆସିଥିବା ବେଳେ ପୀଡିତାଙ୍କ ସହ ମତାନ୍ତର ହେବାରୁ ପୀଡିତାଙ୍କୁ ଗୋଇଠା ମାରିଥିଲେ ଅଭିଯୁକ୍ତ ! ତେବେ ପେଟରେ ଯନ୍ତ୍ରଣା ହେବାରୁ ନାବାଳିକା ଜଣକ ନିଜ ପରିବାର ଲୋକଙ୍କୁ ଏ କଥା ଜଣାଇଥିଲେ ! ପୀଡିତାଙ୍କ ବାପା ଗରିବ ଶ୍ରେଣୀର ହୋଇଥିବାରୁ ଅଭିଯୁକ୍ତଙ୍କ ପକ୍ଷରୁ ଘଟଣାକୁ ଚପାଇ ଦେବାକୁ ଉଦ୍ୟମ କରାଯାଇଥିଲା ! ହେଲେ ପୀଡିତା ସାହସ କରି ଏ ନେଇ ଥାନାରେ ଅଭିଯୋଗ କରିଥିଲେ ! ଅଭିଯୋଗ ଅନୁସାରେ ପୋଲିସ ମାମଲା ରୁଜୁ କରି ପୀଡିତା ଙ୍କ ଡାକ୍ତରୀ ମାଇନା କରିବା ସହ ସୁଜିତ ସେନାପତି କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି ରାସଗୋବିନ୍ଦପୁର ଥାନା ଅଧିକାରୀ ଲୋପାମୁଦ୍ରା ନାୟକ ! ସୂଚନା ଯୋଗ୍ୟ ଯେ ଆଗରୁ ଏହି ଅଭିଯୁକ୍ତଙ୍କ ନାମରେ ଏମିତି 2 ଟି ମାମଲା ରହିଅଛି !
