ଜଗତସିଂହପୁର ( ଆୱାଜ ମିଡ଼ିଆ ) – ସୁନିଲ କୁମାର ଲେଙ୍କା : ରୋଷେଇ ବେଳେ ଘଟିଲା ଅଘଟଣ , ଗ୍ୟାସ ଟାଙ୍କି ଲିକ ହୋଇ ଲାଗିଲା ନିଆଁ . ଚାରି ଜଣ ଗୁରୁତର ଆହତ . ଜଗତସିଂହପୁର ପୌରପରିଷଦ ଅନ୍ତର୍ଗତ ବେଲପୋଖରୀ ଗାଁରେ ରୋଷେଇ କରୁଥିବା ସମୟରେ ଗ୍ୟାସ ଲିକ ହୋଇ ନିଆଁ ଲାଗି ଚାରି ଜଣ ଆହତ ହୋଇଥିବାର ଜଣାଯାଇଛି ଆହତଙ୍କ ମଧ୍ୟରୁ ଦୁଇଜଣ ପୁରୁଷ ଓ ଦୁଇଜଣ ମହିଳା । ଆହତ ମାନେ ଜଗତସିଂହପୁର ମୁଖ୍ୟ ଚିକିତ୍ସାଳୟରେ ଭର୍ତି ହୋଇ ଚିକିତ୍ସିତ ହେଉଛନ୍ତି । ସୂଚନା ଅନୁଯାୟୀ ଆହତ ମାନେ ବେଲ ପୋଖରୀ ଗାଁର ସୁଜିତ ପଲାଉରୀ ,ବନିତା ପଲାଉରୀ ,ସୁଜିତ ନାୟକ, ମମିନା ନାୟକ ବୋଲି ଜଣାପଡିଛି । ଅଗ୍ନିକାଣ୍ଡ ସମ୍ପର୍କରେ ଖବର ପାଇ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଥିଲେ । ଆହତ ଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ଥିବା ମେଡିକାଲ ପକ୍ଷରୁ ସୂଚନ ମିଳିଛି । ଆହତ ମାନଙ୍କୁ ପ୍ରାଥମିକ ଚିକିତ୍ସା କରାଯାଇଥିବା ବେଳେ ଗୁରୁତର ମାନଙ୍କୁ ପ୍ରାଥମିକ ଚିକିତ୍ସା ପରେ କଟକ ବଡ ମେଡିକାଲ କୁ ସ୍ଥାନାନ୍ତର କରାଯାଇଛି ।
