ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା: କଳିଙ୍ଗନଗର ଅଞ୍ଚଳରେ ଅଭାବନୀୟ ଘଟଣା । ବନ୍ଦ କୋଠରୀ ରୁ ବିହାରୀ ଶ୍ରମିକଙ୍କ ମୃତ ଦେହ ଉଦ୍ଧାର । ଶ୍ରମିକ ଜଣକ କଳିଙ୍ଗନଗର ଟାଟାଷ୍ଟିଲ ପ୍ଲାଣ୍ଟ ରେ କାର୍ଯ୍ୟ କରୁଥିବା ବେଳେ କଳିଙ୍ଗନଗର ଛକ ରେ ଏକ ଭଡା ଘରେ ରହୁଥିଲେ .ତାଙ୍କ ନାଁ ବିନୋଦ କୁମାର ଓ ସେ ବିହାର ର ବାସିନ୍ଦା ବୋଲି ଜଣାପଡିଛି । ଗଲାକାଲି ରାତି ରେ ଘର ଭିତରେ ସ୍ଥାନୀୟ ଲୋକେ ଝୁଲନ୍ତା ଅବସ୍ଥାରେ ମୃତ ଶ୍ରମିକ ଜଣ ଙ୍କୁ ଦେଖି କଳିଙ୍ଗନଗର ଥାନାକୁ ଜଣାଇଥିଲେ । ଘଟଣା ସ୍ଥଳରେ କଳିଙ୍ଗନଗର ପୋଲିସ ଓ ସୁକିନ୍ଦା ତହସିଲଦାର ପହଞ୍ଚି ଶବ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ଦାନଗଦି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ପଠାଇଥିଲେ । ତେବେ ମୃତ୍ୟୁ ର କାରଣ ଅସ୍ପଷ୍ଟ ଥିବାବେଳେ କଳିଙ୍ଗନଗର ପୋଲିସ ଘଟଣା ର ତଦନ୍ତ ଆରମ୍ଭ କରିଛି ।
