ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ୭୨ ତମ ବନ ମହୋତ୍ସବ ପାଳନ ଅବସରରେ ଗଜପତି ଜିଲ୍ଲା ଗୁମ୍ମା ଆଦର୍ଶ ବିଦ୍ୟାଳୟ ପରିସରରେ ଚାରା ରୋପଣ କରାଯାଇଛି । ଏଥିରେ ପାରଳାଖେମୁଣ୍ଡି ବିଧାୟକ କେ. ନାରାୟଣ ରାଓ ମୁଖ୍ୟ ଅତିଥି ଭାବେ ଯୋଗ ଦେଇ ଚାରା ରୋପଣ କରିଥିଲେ । ଏହି କାର୍ଯ୍ୟକ୍ରମରେ ଗୁମ୍ମା ଫରେଷ୍ଟର ଦିବାକର ଲେଙ୍କା, ସୁମିନା ଶବର, ବିଧାୟକ ପ୍ରତିନିଧି କୃଷ୍ଣଚନ୍ଦ୍ର ବିଶୋଇ, ବରିଷ୍ଠ ବିଜେପି ନେତା ନୃସିଂହ ଚରଣ ପଟ୍ଟନାୟକ ଏବଂ ବିଦ୍ୟାଳୟର ଅଧ୍ୟକ୍ଷ କେଦାର ନାଥ ଦାସଙ୍କ ସମେତ ବିଦ୍ୟାଳୟର ଅନ୍ୟାନ୍ୟ ଶିକ୍ଷକ ଓ କର୍ମଚାରୀ ଉପସ୍ଥିତ ଥିଲେ । ଏହା ପରେ ବିଧାୟକ ଭୁବନୀ ପଞ୍ଚାୟତରେ ମାସ୍କ ବଣ୍ଟନ କରିବା ସହ ଶୁଖିଲା ଖାଦ୍ୟ ବଣ୍ଟନ କରିଥିଲେ ଏବଂ କରୋନା ସଚେତନତା ଉପରେ ଲୋକଙ୍କୁ କରାଇଥିଲେ । କରୋନା ସମୟରେ ଲୋକଙ୍କୁ ଅମ୍ଳଜାନ ଅସୁବିଧା ହେଉଥିବାରୁ ବୃକ୍ଷ ରୋପଣ କରିଲେ ଆଗାମୀ ଦିନରେ ସବୁଜ ପରିବେଶ ହେବା ସହ ଅମ୍ଳଜାନର ଅଭାବ ହେବ ନାହିଁ ବୋଲି ବିଧାୟକ କେ.ନାରାୟଣ ରାଓ ମତ ପ୍ରକାଶ କରିଛନ୍ତି ।
