ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ପ୍ରସିଦ୍ଧ ପର୍ଯ୍ୟଟନସ୍ଥଳୀ ଶୈବ କ୍ଷେତ୍ର କପିଳାସ ପୀଠ ଶ୍ରୀ ଶ୍ରୀ ଚନ୍ଦ୍ର ଶେଖର ଜୀଉ ବିଜେଙ୍କ ଦେବଦୂର୍ଲଭ ସ୍ୱର୍ଣ୍ଣାଭ ନାଗଭରଣ ବେଶ ପାଇଁ ଢେଙ୍କାନାଳ ଜିଲ୍ଲାପାଳ ଭୁମେଶ ଚନ୍ଦ୍ର ବେହେରା ୫୧ ହଜାର ଟଙ୍କା ର ସହଯୋଗ ରାଶି ଚେକ୍ ମାଧ୍ୟମରେ ଦାନ କରିଛନ୍ତି । ଆଜି ପୂର୍ବାହ୍ନରେ ଜିଲ୍ଲା ମୁଖ୍ୟ କାର୍ଯ୍ୟାଳୟଠାରେ ଉପ ଜିଲ୍ଲାପାଳ ତଥା ନିର୍ବାହୀ ଅଧିକାରୀ – ଦେବୋତ୍ତର ବିଭାଗ ସାଫଲ୍ୟ ମଣ୍ଡିତ ପ୍ରଧାନଙ୍କୁ ଜିଲ୍ଲାପାଳ ଶ୍ରୀ ବେହେରା ନିଜର ବ୍ୟକ୍ତିଗତ ଜମା ରାଶିରୁ ଏହି ଅର୍ଥ ଦାନ କରିଛନ୍ତି । ଶ୍ରୀ ଶ୍ରୀ ଚନ୍ଦ୍ର ଶେଖର ଜୀଉଙ୍କ ସ୍ୱର୍ଣ୍ଣାଭ ନାଗଭରଣ ବେଶ ପାଇଁ ସ୍ୱତଃ ପ୍ରବୃତ୍ତ ଭାବେ ଆଗ୍ରହର ସହିତ ସମସ୍ତ ଜନସାଧାରଣ ଯଥାସାଧ୍ୟ ଦାନ କରିବାକୁ ଜିଲ୍ଲାପାଳ ଅନୁରୋଧ କରିଛନ୍ତି ।
