ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ଢେଙ୍କାନାଳ ଟାଉନ ଥାନା କୁ ମିଳିଲା ଆଉ ଏକ ବଡ ସଫଳତା . ମହିଳା ଟେଲର ଙ୍କ ଠାରୁ ଖେଳନା ବନ୍ଧୁକ ଦେଖାଇ ଏକ ସୁନା ଚେନ ଲୁଟିନେଇଥିବା 3 ଅପରାଧୀଙ୍କୁ ଆଜି ପୋଲିସ ଧରିବାରେ ସଫଳ ହୋଇଛି । ଗତ ଡିସେମ୍ବର ମାସ 27 ତାରିଖରେ ଜଣେ ଟେଲର ନିଜ ଦୋକାନରେ କାର୍ଯ୍ୟ କରୁଥିବା ସମୟରେ ଦିନ ଦ୍ଵିପ୍ରହରରେ ଏକ ପଲସର ମୋଟର ସାଇକେଲ ଯୋଗେ ଦୁଇ ଜଣ ଦୁର୍ବୁତ୍ତ ଆସି ବନ୍ଧୁକ ଦେଖାଇ ସୁନା ଚେନ ଲୁଟିନେଇଥିଲେ ।
ଯାହାକି ଉକ୍ତ ମହିଳାଙ୍କ ଦ୍ୱାରା ଟାଉନ ଥାନାରେ ଏକ ମାମଲା ରୁଜୁ କରାଯାଇଥିଲା । ଘଟଣାରେ ସମ୍ପୃକ୍ତ 2 ଜଣ ଙ୍କ ସହ ଅନ୍ୟଏକ ଅପରାଧୀଙ୍କୁ ପୋଲିସ ଠାବ କରିବା ସହ ସେମାନଙ୍କୁ ଗିରଫ ମଧ୍ୟ କରିଛି । ଗିରଫ ହେବା ସମୟରେ ସେମାନଙ୍କ ଠାରୁ ଏକ ସୁନା ଚେନ ଓ ଏକ ଖେଳନା ବନ୍ଧୁକ ମଧ୍ୟ ଜବତ କରିଛି ବୋଲି ଢେଙ୍କାନାଳ SDPO ଗଣମାଧ୍ୟମକୁ ସୂଚନା ଦେଇଛନ୍ତି । ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।
