ଢେଙ୍କାନାଳ ( ଆୱାଜ ମିଡ଼ିଆ ) – ରଞ୍ଜିତ ବେହେରା : ମାରୁତି ସେନା ତରଫରୁ ଅସହାୟ ପରିବାରକୁ ସହାୟତା ପ୍ରଦାନ . ସାମାଜିକ ସଂଗଠନ ମାରୁତି ସେନା ପକ୍ଷରୁ ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ଅନ୍ତର୍ଗତ କନ୍ତାରିପାତ ଗ୍ରାମରେ ଅସହାୟ ଗରୀବ ପରିବାରକୁ ୧ ମାସ ର ରାସନ୍ ସାମଗ୍ରୀ ସହିତ ନିଜ ସାମର୍ଥ୍ୟ ମୁତାବକ କିଛି ଆର୍ଥିକ ସାହାଯ୍ୟ ପ୍ରଦାନ କରାଯାଇଛି । କାମାକ୍ଷାନଗର ବ୍ଲକ ଅନ୍ତର୍ଗତ ବାଲିଗୋରୋଡ ପଂଚାୟତର କନ୍ତାରିପାତ ଗ୍ରାମର ଶିବ ସାମଲ ଦୀର୍ଘ 5 ବର୍ଷ ହେଲା କିଡନୀ ରୋଗରେ ଆକ୍ରାନ୍ତ ହୋଇ ଶଯ୍ୟାଶାୟୀ ହୋଇଥିବା ସ୍ଥଳେ, ପରିବାରର ସମସ୍ତ ଚେଷ୍ଟା ପରେ ମଧ୍ୟ ଗତ ଜୁଲାଇ14 ତାରିଖ ରେ ମୃତ୍ୟୁ ବରଣ କରିଛନ୍ତି । ତାଙ୍କ ପରିବାର କହିଲେ 85 ବର୍ଷର ବୃଦ୍ଧା ମା, ସ୍ତ୍ରୀ ଏବଂ 8 ବର୍ଷର ପୁଅ । ପରିବାରର ରୋଜଗାରକ୍ଷମ କହିଲେ ଶିବ ସାମଲ ଏକା ଥିବାରୁ ତାଙ୍କ ପରେ ଏବେ ପରିବାର ଅସହାୟ ହୋଇଯାଇଛି । ତାଙ୍କର ଏପରି ଦୁର୍ଦିନରେ ସମାଜସେବୀ ସଂଗଠନ ମାରୁତିସେନା ତାଙ୍କ ପାଖରେ ଠିଆ ହୋଇ ସାନ୍ତ୍ୱନା ଦେବା ସହ ପରିବାରକୁ ଏକ ମାସର ରାସନ ସାମଗ୍ରୀ ଏବଂ କିଛି ଆର୍ଥିକ ସହାୟତା ପ୍ରଦାନ କରିଛନ୍ତି । ଏଥି ସଂଗେ ସଂଗେ ବିଭିନ୍ନ ସାମାଜିକ ସଂଗଠନ ଏବଂ ସରକାରୀ ଯୋଜନାରେ ତାଙ୍କୁ ସହାୟତା କରିବା ପାଇଁ ଅନ୍ୟ ମାନଙ୍କୁ ଆହ୍ୱାନ ମଧ୍ୟ ଦେଇଛନ୍ତି । ଆଜିର ଏହି କାର୍ଯ୍ୟକ୍ରମ ରେ ସଂଗଠନ ର ଜିଲ୍ଲା ସଭାପତି ବିକାଶ ଚନ୍ଦ୍ର ବେହେରା, ଦିଲ୍ଲୀପ କୁମାର ସାହୁ, ବିରେନ୍ କୁମାର ବେହେରା, ସିଦ୍ଧାନ୍ତ ବେହେରା, ମାନସ ଭୂତିଆ, ବିରେନ୍ଦ୍ର ସେଠୀ , ସୌମ୍ୟ ରଞ୍ଜନ ସାମଲ ଙ୍କ ସମେତ ସମସ୍ତ ସଭ୍ୟ ଉପସ୍ଥିତ ଥିଲେ ।
