ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ଫଟୋଗ୍ରାଫି ସଙ୍ଘ ଦ୍ୱାରା ବିଶ୍ୱ ଫଟୋଗ୍ରାଫି ଦିବସ ପାଳିତ ହୋଇ ଯାଇଛି । ଏହି ଉପଲକ୍ଷେ ପାରଳାଖେମୁଣ୍ଡି ସ୍ଥିତ କୁଷ୍ଠାଶ୍ରମର ଅନ୍ତେବାସୀଙ୍କୁ ଖାଦ୍ୟ ଜିନିଷ, ପରିବା, ଚାଉଳ ଆଦି ସଙ୍ଘ ତରଫରୁ ବଣ୍ଟନ କରାଯାଇଥିଲା । ଏହା ପରେ ପାରଳା ରାଜଦାଣ୍ଡରେ ସଙ୍ଘର କର୍ମକର୍ତ୍ତା ଙ୍କ ଦ୍ଵାରା ଏକ ସଭାର ଆୟୋଜନ ହୋଇଥିଲା ।ଏଥିରେ ଫଟୋଗ୍ରାଫି ର ସ୍ରଷ୍ଟା ଲୁଇସ ଜେଏମ୍ ଡ଼ାଗରଙ୍କ ଫଟୋ ଚିତ୍ରରେ ପୁଷ୍ପ ମାଲ୍ୟ ଅର୍ପଣ କରି ସ୍ମୃତିଚାରଣ କରାଯାଇଥିଲା । ଏହା ସହ ଗଜପତି ଜିଲ୍ଲା ଫଟୋଗ୍ରାଫି ସଙ୍ଘର ପୂର୍ବତନ ଅଧ୍ୟକ୍ଷ ବିଶ୍ଵନାଥ ମିଶ୍ରଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା । ଏହି କାର୍ଯ୍ୟକ୍ରମରେ ସଙ୍ଘର ପି.ଶ୍ରୀନିବାସ ରେଡ୍ଡୀ, ଭି.ଦିଲେଶ୍ୱର ରାଓ, କେ.ଧବଳେଶ୍ବର ରାଓ, ଜଗଦୀଶ ମିଶ୍ର, ଶ୍ୟାମ କୁମାର, ଏ.ଗଙ୍ଗାଧର ପ୍ରମୁଖ ଅଂଶ ଗ୍ରହଣ କରିଥିଲେ ।
