ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ବଉଳାବନ୍ଧ ଗ୍ରାମରେ କୂଅରେ ପଡି ଜଣେ ଯୁବକ ମୃତ୍ୟୁବରଣ କରିଥିବାର ଜଣାଯାଇଛି l ମୃତକ ନିମନା ଗ୍ରାମର ଅଶୋକ ନାୟକ ଏବଂ ବୟସ ବତିଶ ବର୍ଷ ବୋଲି ଜଣାପଡିଛି l ପ୍ରକାଶ ଥାଉକି ଉକ୍ତ ଯୁବକ ଜଣକ ନିଜ ଗ୍ରାମରୁ ବହୁ ଦୂରରେ ଥିବା ବଉଳାବନ୍ଧ ପଞ୍ଚାୟତ ରଘୁନାଥପୁର ଗ୍ରାମରେ ଥିବା ଯଂଜ୍ଞଶ୍ୱର ପଲାଇ ଓ ମାଧବ ବାରିକ ଙ୍କ ଘର ପାଖରେ ଥିବା ଏକ କୂଅରେ ପଡି ମୃତ୍ୟୁବରଣ କରିଛନ୍ତି l ଘଟଣା ସମ୍ପର୍କରେ ଆଜି ସକାଳୁ ଜଣାପଡିବା ପରେ ଦମକଳ ବାହିନୀ ଆସି ମୃତ ଶରୀରକୁ କୂଅରୁ ବାହାର କରିଥିଲେ l ମୃତ୍ୟୁର ପ୍ରକୃତ କାରଣ ଜଣା ପଡିନଥିଲେ ମଧ୍ୟ ଏହା ଏକ ପ୍ରେମଜନିତ ଆତ୍ମହତ୍ୟା ବୋଲି ବଉଳାବନ୍ଧ ଗ୍ରାମବାସୀ କହୁଛନ୍ତି l ପୋଲିସ ପହଞ୍ଚି ଘଟଣାର ଅନୁସନ୍ଧାନ ଜାରି ରଖିଛି l
