ନୂଆଗାଁ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୁଆଗାଁ ବ୍ଳକ୍ ପଞ୍ଚାୟତ ସମିତି ବୈଠକ ଅନୁଷ୍ଠିତ । ବୈଠକ ରେ ବ୍ଲକ ଅନ୍ତର୍ଗତ ବିଭିନ୍ନ ଉନ୍ନୟନ କାମ ଉପରେ ଆଲୋଚନା ହୋଇ ଯାଇଛି । ଆୟୋଜିତ ବୈଠକରେ ଦଶପଲ୍ଲା ବିଧାୟକ ତଥା ନୟାଗଡ଼ ଜିଲା ବିଜେଡି ସଭାପତି ରମେଶ ଚନ୍ଦ୍ର ବେହେରା , ବ୍ଲକ ଅଧ୍ୟକ୍ଷ ଅନ୍ତର୍ଯ୍ୟାମୀ ସ୍ୱାଇଁ , ନୂଆଗାଁ ବିଡ଼ିଓ ପ୍ରମୋଦ କୁମାର ନାୟକ , ବ୍ଲକ ଉପାଧ୍ୟାକ୍ଷା ପୁଷ୍ପାଞ୍ଜଳୀ ସାହୁ , ଜିଲ୍ଲା ପରିଷଦ ସଭ୍ୟ ସୁଦିପ୍ତ ରାୟ ପ୍ରମୂଖ ଯୋଗ ଦେଇଥିଲେ ।ପ୍ରତ୍ୟକ ବିଭାଗର ପ୍ରଶାସନିକ ଅଧିକାରୀ , ସମସ୍ତ ପଞ୍ଚାୟତ ର ଜନ ପ୍ରତିନିଧି ଉପସ୍ଥିତ ରହିଥିବା ସମୟରେ ବିଭାଗୀୟ ଜେଇ ଏବଂ ଅନ୍ୟ କର୍ମଚାରୀ ମାନେ ବୈଠକରେ ଯୋଗ ଦେଇଥିଲେ । ଯେଉଁ ଲୋକମାନେ ପ୍ରଧାନମନ୍ତ୍ରୀ ଆବାସ କିମ୍ବା ବିଜୁ ପକାଘର ଏକ ମାସ କିମ୍ବା ଦୁଇ ମାସ ଭିତରେ ଶେଷ କରନ୍ତି ସେମାନେ ପ୍ରୋତ୍ସାହନ ରାଶି 20, 000 ଟଙ୍କା ପାଇବା କଥା , କିନ୍ତୁ ଅଧିକଂଶ ଲୋକ ତାହା ପାଇ ନଥିବା ଅଭିଯୋଗ ଆଣିଥିଲେ ବ୍ଲକ ଉପାଧ୍ୟାକ୍ଷା ପୁଷ୍ପାଞ୍ଜଳୀ ସାହୁ . ଦଶପଲା ବିଧାୟକ ଉକ୍ତ ଅଭିଯୋଗ କୁ ଗୁରୁତ୍ୱର ସହ ଗ୍ରହଣ କରି ମଣ୍ଡଳ ଉନ୍ନୟନ ଅଧିକାରୀ ଏବଂ ଅନ୍ୟ କର୍ମଚାରୀ ମାନଙ୍କ ସହ ସେ ସମ୍ପର୍କରେ ଆଲୋଚନା କରିଥିଲେ . ହିତାଧିକାରୀଙ୍କୁ ଶୀଘ୍ର ଅର୍ଥ ରାଶି ଛାଡ଼ିବା ପାଇଁ କହିଥିଲେ ।
