ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଆଜି ବିଶ୍ୱ ମିତବ୍ୟୟିତା ଦିବସ ଉପଲକ୍ଷେ ବୃକ୍ଷ ରୋପଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି . ଏହି ଅବସରରେ ଏକ ସଚେତନତା ସଞ୍ଚୟ ରଥକୁ ଗଜପତି ଜିଲ୍ଲା ଅତିରିକ୍ତ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା ସବୁଜ ପତାକା ଦେଖାଇ ଶୁଭ ଉଦଘାଟନ କରିଥିଲେ ।
ଏହି ସଚେତନତା ରଥ ଜିଲ୍ଲାର 7 ଟି ବ୍ଳକରେ ସଚେତନତା ସୃଷ୍ଟି କରିବ। ଏହାର ଉଦ୍ଦେଶ୍ୟ ଓ ଆଭିମୁଖ୍ୟ ହେଲା ସଞ୍ଚୟ କରିବା , ଖର୍ଚ୍ଚ କମ କରିବା – ଆଗାମୀ ଦିନରେ ଆମେ ସୁଖରେ ରହି ପାରିବା । ଏହି ବାର୍ତ୍ତା ନେଇ ଜନସାଧାରଣଙ୍କୁ ସଚେତନ କରାଇବ। ପାଇଁ ସଚେତନତା ରଥ ସହର ପରିକ୍ରମା କରି ଲୋକଙ୍କୁ ସଚେତନ କରାଉଛି । ଏଥିରେ ସର୍ବ ସଞ୍ଚୟ ଏଜେଣ୍ଟ ମାନେ ପ୍ଲାକାର୍ଡ ଧରି ବିଶ୍ୱ ମିତବ୍ୟୟିତା ଦିବସ ଉପରେ ଲୋକଙ୍କୁ ସଚେତନତା କରାଇଥିଲେ । ଏହି କାର୍ଯ୍ୟକ୍ରମ ଜିଲ୍ଲା ସ୍ୱଳ୍ପ ସଞ୍ଚୟ ଅଧିକାରିଣୀ ନର୍ମଦା ନାୟକଙ୍କ ତତ୍ୱାବଧାନରେ ଅନୁଷ୍ଠିତ ହୋଇଥିଲା । ଆୟୋଜିତ କାର୍ଯ୍ୟକ୍ରମରେ ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀ ସ୍ୱରାଜ ଶୀଶା ଙ୍କ ସମେତ ଜିଲ୍ଲା ସ୍ୱଳ୍ପ ସଞ୍ଚୟ କାର୍ଯ୍ୟାଳୟର କର୍ମଚାରୀ ଓ ଗଣମାଧ୍ୟମ ପ୍ରତିନିଧି ମାନେ ଉପସ୍ଥିତ ଥିଲେ ।
