ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ଖୋର୍ଦ୍ଧା ଜିଲ୍ଲା ସଦର ମହକୁମାରରେ ଦିନକୁ ଦିନ ବ୍ରାଉନ ସୁଗାର କାରବାର ବଢି ଚାଲିଥିବା ସମୟରେ ସହର ଉପକଣ୍ଠ ପାଲଟିଛି ନିଶା ମାଫିଆଙ୍କ ପେଣ୍ଠସ୍ଥଳ . ଜିଲ୍ଲା ସଦର ମହକୁମାରେ ଚୋରା ନିଶା କାରବାର ପ୍ରଶାସନ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । ଏ ନେଇ ଜିଲ୍ଲା ପୋଲିସ ଅଧିକାରୀ ରାଜକିଶୋର ଦୋରାଙ୍କ ନିର୍ଦ୍ଦେଶ କ୍ରମେ ଏସଡ଼ିପିଓ ସୁଶୀଲ କୁମାର ମିଶ୍ରଙ୍କ ତତ୍ତ୍ୱାବଧାନରେ ଆଦର୍ଶ ଥାନା ଅଧିକାରୀ ସଞ୍ଜୟ କୁମାର ପଟ୍ଟନାୟକ କର୍ମଚାରୀ ମାନଙ୍କ ସହ ଅତର୍କିତ ଚଢ଼ାଉ କରି ୫୦.୦୫ଗ୍ରାମ ବ୍ରାଉନ ସୁଗାର, ୪ ଗୋଟି ମୋଟର ସାଇକେଲ, ୩ ଗୋଟି ମୋବାଇଲ ଓ ନଗଦ ଅର୍ଥ ୫ ଲକ୍ଷ ଟଙ୍କା ଜବତ କରି ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ମାନେ ହେଲେ ସୋମନାଥ ବରାଳ, ଅବିନାଶ ପାତ୍ର ଓ ଆର୍ତ୍ତତ୍ରାଣ ବେହେରା .
