ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ନାଭାଲ ନିକଟସ୍ଥ ପେଟ୍ରୋଲ ପମ୍ପ ଠାରେ ଶ୍ରମିକଙ୍କୁ ନେଇ ଯାଉଥିବା ଅଟୋ ଦୁର୍ଘଟଣା ଗ୍ରସ୍ତ ହୋଇଛି । ଏଥିରେ ଥିବା ୪ ଜଣ ଗୁରୁତର ଆହତ ହୋଇଛନ୍ତି । ସୂଚନା ମୁତାବକ ଗଞ୍ଜାମ ଜିଲ୍ଲା କୈରାସୀ ଅଞ୍ଚଳରୁ ୧୦ ଜଣ ଶ୍ରମିକଙ୍କୁ ନେଇ ଅଟୋ ଟି ବାଲୁଗାଁ ରେଳ ଷ୍ଟେସନ ଅଭିମୁଖେ ଯାଉଥିଲା । ଉକ୍ତ ଶ୍ରମିକ ମାନେ କୋଣାର୍କ ଏକ୍ସପ୍ରେସ ଜରିଆରେ ସଂନ୍ଧ୍ୟାରେ ମୁମ୍ବାଇ ଯାଇଥାନ୍ତେ । ତେବେ ଅପରାହ୍ନ ୨.୩୦ ଘଟିକା ସମୟରେ ଭାରସାମ୍ୟ ହରାଇ ଅଟୋଟି ନାଭାଲ ନିକଟସ୍ଥ ପେଟ୍ରୋଲ ପମ୍ପ ପାଖରେ ଓଲଟି ପଡିଥିଲା । ଫଳରେ ୪ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି । ତେବେ ସ୍ଥାନୀୟ ଅଞ୍ଚଳବାସୀ ଗୁରୁତର ଆହତ ଶ୍ରମିକଙ୍କୁ ଉଦ୍ଧାର କରି ଅନ୍ୟ ଏକ ଅଟୋ ଜରିଆରେ ବାଲୁଗାଁ ମେଡିକାଲକୁ ପଠାଇଛନ୍ତି । ଦୁର୍ଘଟଣାସ୍ଥଳରେ ନାଭାଲ ଫାଣ୍ଡି ପୋଲିସ ଉପସ୍ଥିତ ରହି ତଦନ୍ତ ଜାରି ରଖିଛି ।
