ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ଘଟିଛି ଦୁର୍ଘଟଣା । ଯାତ୍ରୀ ବାହି ଅଟୋ ଲେଉଟି ଏକାଧିକ ଯାତ୍ରୀ ଆହତ ହୋଇଛନ୍ତି । ଖବର ମୁତାବକ ଆଜି ମଧ୍ୟାହ୍ନରେ ବାଣପୁର ଥାନା ଅନ୍ତର୍ଗତ ଆୟତପୁର ଅଞ୍ଚଳରୁ ପାଞ୍ଚ ଜଣ ଯାତ୍ରୀଙ୍କୁ ନେଇ ଏକ ଯାତ୍ରୀ ବାହି ଅଟୋ ବାଲୁଗାଁ ଅଭିମୁଖେ ଯାଉଥିଲା । ତେବେ ମେଘାମ୍ବରୀ ମନ୍ଦିର ପଛ ଭାଗ କେନାଲ ରୋଡ଼ରେ କୌଣସି କାରଣ ବଶତଃ ଅଟୋଟି ଲେଉଟି ପଡିଥିଲା । ଦୁର୍ଘଟଣା ଫଳରେ ଡ୍ରାଇଭର ସମେତ ଅଟୋରେ ଥିବା ପାଞ୍ଚ ଜଣ ଯାତ୍ରୀ ଆହତ ହୋଇଛନ୍ତି । ତନ୍ମଧରୁ ଦୁଇ ଜଣଙ୍କ ଅବସ୍ଥା ଗୁରୁତର ଥିବା ସମୟରେ ଜଣେ ଭୁବନେଶ୍ୱରକୁ ସ୍ଥାନାନ୍ତରିତ ହୋଇଛନ୍ତି । ଗୁରୁତର ଆହତ ଦ୍ୱୟ ହେଲେ ବେଲେଡିହ ଗ୍ରାମର ସୁକାନ୍ତି ନାୟକ ଏବଂ ବୁଟୁ ପ୍ରଧାନ । ବୁଟୁ ପ୍ରଧାନଙ୍କ ମୁଣ୍ଡ ଏବଂ ନାକରୁ ରକ୍ତସ୍ରାବ ଜାରି ରହିଥିବାରୁ ଡାକ୍ତର ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରିଦେଇଛନ୍ତି ।
