ଯାଜପୁର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ଯାଜପୁର ଜିଲ୍ଲା ବିଂଝାରପୁର ବ୍ଲକ ଅନ୍ତର୍ଗତ ଚିକଣା ପଞ୍ଚାୟତର ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ ଦ ସ୍ମାର୍ଟ ଗ୍ରୁପ୍ ତରଫରୁ ମା ସନ୍ତୋଷୀ ମାତା ଙ୍କ ମଣ୍ଡପରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ସ୍ଥାନୀୟ ସରପଞ୍ଚ ଧୃବଚରଣ ସେଠୀ , ଏମ ଏମ ଜି ପି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଆର୍ଯ୍ୟ ନାରାୟଣ ପଣ୍ଡା, ଶିକ୍ଷାବିତ ବିପିନ ବିହାରୀ ବଳ ଉଦଘାଟନ କରିଥିଲେ । ଆୟୋଜିତ ଶିବିରରେ ମୋଟ ୭୪ ୟୁନିଟ ରକ୍ତ ସଂଗୃହୀତ ହୋଇଥିଲା । ସେଣ୍ଟ୍ରାଲ ରେଡକ୍ରସ୍, କଟକର ମେଡିକାଲ ଟିମ୍ ସହ ଦ ସ୍ମାର୍ଟ୍ ଗ୍ରୁପ୍ ର ସଦସ୍ୟ କାର୍ତ୍ତିକ, ପ୍ରୀତି ସାଗର, ବିଦ୍ୟା ସାଗର, ସୁରଜ୍, ସୁନିଲ, ମାନସ, ନିରଞ୍ଜନ, କାହ୍ନୁ , ସୁବ୍ରତ, ସଞ୍ଜୟ, ଗଦାଧର ଆଦି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
