କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : ଦୋକାନ ସିଲ ଭାଙ୍ଗି କରୁଥିଲେ ବିଦେଶୀ ମଦ ବେପାର l ଧରାପଡ଼ି ଗଲେ ମାମୁଁ ଘର l ଏଭଳି ଘଟଣା ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ଡେରାବିଶ ଓଲଢ଼ି ରେ ଥିବା ବିଦେଶୀ ମଦ ଦୋକାନ ରେ l ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ସରକାର ଙ୍କ ପକ୍ଷରୁ ସବୁ ମଦ ଦୋକାନ ବନ୍ଦ କରିବାକୁ କରାଯାଇଥିଲା ଘୋଷଣା ଏବଂ ସରକାରଙ୍କ ପକ୍ଷରୁ ସିଲ ମଧ୍ୟ କରାଯାଇଥିଲା l କିନ୍ତୁ ତାହାର ବ୍ୟତିକ୍ରମ ଦେଖିବାକୁ ମିଳିଛି ଓଲଢ଼ି ରେ ଥିବା ବିଦେଶୀ ମଦ ଦୋକାନ ରେ l ଦୋକାନ ରେ କାମ କରୁଥିବା ଦୋକାନ କର୍ମଚାରୀ ଓ ମ୍ୟାନେଜର ଦୋକାନ ସିଲ ଭାଙ୍ଗି ଆଜି ଦୋକାନ ଭିତରୁ ମଦ ବ୍ୟବସାୟ କରୁଥିଲେ . ସ୍ଥାନୀୟ ଯୁବକ ଦେଖି ଏହାକୁ ବିରୋଧ କରିବା ସହ କର୍ମଚାରୀଙ୍କୁ ଅଟକ ରଖି ଅବକାରୀ ଅଧିକାରୀଙ୍କୁ ଖବର ଦେଇଥିଲେ . ଏହାପରେ ଘଟଣା ସ୍ଥଳରେ ଅବକାରୀ ର ଏକ ଟିମ ପହଞ୍ଚି ଦୁଇ ଜଣଙ୍କୁ ଗିରଫ କରିବା ସହ ବିଦେଶୀ ମଦ ଜବତ କରିଥିଲା l ସ୍ଥାନୀୟ ଲୋକେ କହିବା କଥା ଯେ ଏଭଳି ଘଟଣା ଓଲଢ଼ି ରେ ଥରେ ନୁହେଁ ବାରମ୍ବାର ଘଟୁଛି କିନ୍ତୁ ଅବକାରୀ ଅଧିକାରୀଙ୍କୁ ଜଣାଇଲେ ମଧ୍ୟ୍ୟ କୌଣସି ସୁଫଳ ମିଳୁନି l ଏହା ଅବକାରୀ ବିଭାଗ ଏବଂ ଦୋକାନୀ ଙ୍କ ମଧ୍ୟରେ ସଲାସୁତୁରାରେ ଚାଲିଛି l ଏନେଇ ଅବକାରୀ ବିଭାଗ ର କୌଣସି ପ୍ରତିକ୍ରିୟା ମିଳି ପାରିନାହିଁ l ଅନ୍ୟ ପକ୍ଷରେ ନିର୍ବାଚନ ଚାଲିଥିବାରୁ ସରକାରୀ ମଦ ଦୋକାନ ଗୁଡିକୁ ବନ୍ଦ ରଖିବାକୁ କଡା ନିର୍ଦେଶ ଥିବାବେଳେ ଖୁଲମ ଖୁଲା ସିଲ କାଟି ବେପାର କରୁଥିବା ଦୋକାନୀ ଉପରେ କଣ ହେଉଛି କାର୍ଯ୍ୟାନୁଷ୍ଠାନ ତାହା ଦେଖିବାକୁ ବାକି ରହିଲା l
