ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ବ୍ଲକ ଅନ୍ତର୍ଗତ ହାତିମୁଣ୍ଡା ଓ ତୁମରାପୁଟ ଗ୍ରାମ ମଧ୍ୟସ୍ଥ କାୟାତୋଟା ନିକଟରେ ଘଟିଛି ସଡକ ଦୁର୍ଘଟଣା । ବିଦ୍ୟୁତ ଖୁଣ୍ଟରେ ଧକ୍କା ଦେଇ ଘଟଣା ସ୍ଥଳରେ ବାଇକ୍ ଚାଳକଙ୍କ ମୃତ୍ୟୁ ଘଟିଛି । ମୃତକ ତୁମରାପୁଟ ପଞ୍ଚାୟତ ମୁକ୍ତାଦେଇପୁର ର କେଦାର ସାହୁଙ୍କ ପୁଅ ମିଥୁନ ସାହୁ (୨୨) ବୋଲି ଜଣା ପଡ଼ିଛି । ସୂଚନା ମୁତାବକ ସେ ତିନି ଦିନ ପୂର୍ବେ ବିଦେଶରୁ ଫେରିଥିଲେ । ଆଜି ବିଳମ୍ବିତ ରାତିରେ ନିଜ ଆପାଚୀ ବାଇକ୍ ଯୋଗେ ବାଣପୁରରୁ ଗ୍ରାମକୁ ଫେରୁଥିବା ବେଳେ। କାୟାତୋଟା ନିକଟରେ ଭାରସାମ୍ୟ ହରାଇ ଏକ ବିଦ୍ୟୁତ ଖୁଣ୍ଟକୁ ଧକ୍କା ଦେଇଥିଲେ । ଦୁର୍ଘଟଣା ଏତେ ଭୟଙ୍କର ଥିଲା ଯେ ବିଦ୍ୟୁତ ଖୁଣ୍ଟ ତିନିଖଣ୍ଡ ହୋଇ ତାଙ୍କ ଉପରେ ପଡି ଯାଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କ ମୃତ୍ୟୁ ଘଟିଥିଲା । ସେ ବାଟରେ ଯାଉଥିବା ଲୋକେ , ପୁଲିସ ଏବଂ ପରିବାର ଲୋକଙ୍କୁ ଖବର ଦେଇଥିଲେ । ଘଟଣା ସ୍ଥଳରେ ବାଣପୁର ପୋଲିସ ପହଞ୍ଚି ତଦନ୍ତ ଜାରି ରଖିଛି ଏବଂ ବିଦ୍ୟୁତ ବିଭାଗ , ଘଟଣା ସ୍ଥଳରେ ପହଞ୍ଚିଛନ୍ତି । ଲୋକେ ଭୟରେ ବିଦ୍ୟୁତ ଖୁଣ୍ଟ କାଢୁ ନଥିବା ବେଳେ ପରିବାର ଲୋକେ ସେହି ଜାଗାରେ ପହଞ୍ଚି କାନ୍ଦୁ ଥିବାର ଦେଖିବାକୁ ମିଳିଥିଲା ।
