ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ଥାନା ଅଞ୍ଚଳରେ ବାଲୁଗାଁ ଅବକାରୀ ବିଭାଗ ଅଧିକାରୀ ସୁନୀତା ଦଳେଇ ଙ୍କ ନେତୃତ୍ୱରେ ଆଜି ବିଭିନ୍ନ ଗ୍ରାମ ମାନଙ୍କରେ ଚଢ଼ାଉ କରି ୨ ଜଣଙ୍କୁ ଗିରଫ କରିଛି । ବାଣପୁର ଥାନା ଅନ୍ତର୍ଗତ ମାଟିଆ ପୋଖିରି ଗ୍ରାମର ଧରଣୀଧର ପ୍ରଧାନ ଓ ରାଉତ୍ରାପଲ୍ଲୀ ଗ୍ରାମର ପ୍ରସନ୍ନ କୁମାର ପଲେଇ ଗିରଫ ହୋଇଥିବାର ସୂଚନା ମିଳିଛି । ଏହି ଗ୍ରାମ ମାନଙ୍କରେ ବାରମ୍ବାର ଦେଶୀ ମଦ ବିକ୍ରୟ ହେଉଥିବାର ଅଭିଯୋଗ ହେଉଥିଲା । ଆଜି ଅବକାରୀ ବିଭାଗ କୌଣସି ସୂତ୍ରରୁ ଖବର ପାଇ ଉଭୟ ଗ୍ରାମରେ ଚଢ଼ାଉ କରି ଦୁଇଜଣ ଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ୨୭ ଲିଟର ଦେଶୀମଦ ଜବତ କରିଛି । ବାଲୁଗାଁ ଅବକାରୀ ବିଭାଗ ପିଆର୍ କେସ ନମ୍ବର ୪୧,୪୨/୨୨-୨୩ରେ ଦୁଇଟି ମାମଲା ରୁ୍ଜୁକରି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ।
