ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ଟାଙ୍ଗୀ କୁହୁଡି ରେଳ ଷ୍ଟେସନ ରୋଡ ନିକଟରୁ ଆଜି ବାଲୁଗାଁ ଅବକାରୀ ଅଧିକାରୀଣି ସୁନୀତା ଦଳାଇଙ୍କ ନେତୃତ୍ୱରେ ଚଢ଼ାଉ କରାଯାଇଥିଲା । ଚଢ଼ାଉ କରି ଜଣେ ଗଞ୍ଜେଇ ବେପାରୀକୁ ଗିରଫ କରାଯାଇଛି । ଗିରଫ ଅଭିଯୁକ୍ତ କୁହୁଡି ରେଳ ଷ୍ଟେସନ ରୋଡ ଗ୍ରାମ ନିକଟର ଅଜୟ ଭୋଇ , ତାଙ୍କ ନିକଟରୁ ୧ କେଜି ୬୦୦ ଗ୍ରାମ ଗଞ୍ଜେଇ ଜବତ କରିବା ସହିତ ଅବକାରୀ ବିଭାଗ ପିଆର ନମ୍ବର ୩୨ / ୨୦୨୨-୨୩ ରେ ଏକ ମାମଲା ରୁଜୁ କରି ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରିଛି ।
