ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ଖୋର୍ଦ୍ଧା ଜିଲ୍ଲା ବାଘମାରୀ ଥାନା ଅନ୍ତର୍ଗତ ଓସ୍ତପୁର ଗାଁରେ ସନ୍ଦେହଜନକ ଭାବେ ଝୁଲନ୍ତା ଅବସ୍ଥାରେ ଜଣେ ବ୍ଯକ୍ତିଙ୍କର ମୃତଦେହ ଉଦ୍ଧାର କରାଯାଇଛି । ମୃତ ବ୍ଯକ୍ତି ଜଣକ ହେଉଛନ୍ତି ଗଣେଶ୍ଵର ସାହୁ । ସୂଚନା ମୁତାବକ ଗତକାଲି ଶ୍ରୀ ସାହୁଙ୍କୁ ଏକ ମାମଲା ରେ ସଂନ୍ଧ୍ଯାରେ ପୋଲିସ ଖୋଜୁଥିବା ବେଳେ ସୋମବାର ଦିନ ସକାଳୁ ସ୍ଥାନୀୟ ଅଞ୍ଚଳର ଏକ ଆମ୍ବ ତୋଟାରୁ ମିଳିଛି ଝୁଲନ୍ତା ମୃତଦେହ । ଏ ନେଇ ପରିବାର ଲୋକଙ୍କ ପକ୍ଷରୁ ସୁପରିକଳ୍ପିତ ଯୋଜନା ମୁତାବକ ହତ୍ୟା କରାଯାଇଛି ବୋଲି ପୋଲିସ ନିକଟରେ ଅଭିଯୋଗ କରିଛନ୍ତି । ପୋଲିସ ଘଟଣା ସ୍ଥଳରେ ପହଁଚି ଶବକୁ ଜବତ କରି ପ୍ରାଥମିକ ତଦନ୍ତ ଆରମ୍ଭ କରିଛି ।
