ଖୋର୍ଦ୍ଧା ( ଆୱାଜ ମିଡ଼ିଆ ) – ଗଙ୍ଗାଧର ସାହୁ : ବେଗୁନିଆ ଅଞ୍ଚଳରେ ଘଟିଛି ଡକାୟତି । ବେଗୁନିଆ ତହସିଲ କର୍ମଚାରୀ ରମେଶ ଚନ୍ଦ୍ର ଦଳେଇ ଙ୍କ ଘରେ କିଛି ଦୁର୍ବୁତ୍ତ ପଶି ପରିବାର ଲୋକଙ୍କୁ ମାଡ ମାରିବା ସହ ଲକ୍ଷାଧିକ ଟଙ୍କାର ଅଳଙ୍କାର ଲୁଟି ନେଇଥିବାର ଅଭିଯୋଗ ହୋଇଛି । ଗତକାଲି ସନ୍ଧ୍ୟା ସମୟରେ ରମେଶ ଙ୍କ ଘରେ କିଛି ଦୁର୍ବୁତ୍ତ ପଶି ତାଙ୍କ ସ୍ତ୍ରୀ ପୁଅ ଏବଂ ଟିୟୁସନ ଶିକ୍ଷକ ମନୋଜ ପାତ୍ର ଙ୍କୁ ଭୟଭୀତ କରି ଘରର ଜିନିଷପତ୍ର ଛିନଛତ୍ର କରିବା ଆରମ୍ଭ କରିଥିଲେ . ଦୁର୍ବୃତ୍ତ ଙ୍କ କାମରେ ଟିୟୁସନ ର ଶିକ୍ଷକ ମନୋଜ ପାତ୍ର ବାଧା ଦେବାରୁ ଚୋର ମାନେ ଧମକ ଦେବା ସହ ମାଡ଼ ମଧ୍ୟ ମାରିଥିଲେ ଏବଂ ଜୀବନରୁ ମାରି ଦେବାର ଧମକ ଦେଇଥିଲେ ବୋଲି ରମେଶ ଦଳେଇ କହିଛନ୍ତି । ଲୁଟିଆ ମାନେ ଘରୁ ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟି ଫେରାର ହୋଇଯାଇଥିଲେ । ଖବର ପାଇ ବେଗୁନିଆ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
