ନୟାଗଡ଼ ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ ବାହାଡାଝୋଲା ସୋସାଇଟି ରେ ସଭାପତି ଭାବେ ଦାୟିତ୍ୱ ନେଲେ ନୟାଗଡ଼ ଜିଲ୍ଲା ର ଆଦର୍ଶ କୃଷକ ସୂର୍ଯ୍ୟ ନାରାୟଣ ସାହୁ | ସୂଚନା ଥାଉ କି ଶ୍ରୀ. ସାହୁ ନୂଆଗାଁ ବ୍ଲକ ର ଜଣେ ସମାଜସେବୀ ଭାବରେ ବେଶ ପରିଚିତ | ନୟାଗଡ଼ ଜିଲ୍ଲା ର ଆଦର୍ଶ କୃଷକ ଭାବରେ ତାଙ୍କୁ କୃଷି ଓ କୃଷକ ବିଭାଗ ଓଡିଶା ସରକାର ଆୱାର୍ଡ ଦେଇଥିବା ବେଳେ ଦିନ କୁ ୫ ହଜାର ଲୋକଙ୍କୁ ଖାଦ୍ୟ ଯୋଗାଉଥିବା ସୂଚନା ମିଳିଛି | ଜଣେ ଆଦର୍ଶ କୃଷକ ହିସାବରେ ବାହାଡାଝୋଲା ସୋସାଇଟି ର ସମସ୍ତ କୃଷକ ମାନଙ୍କ ସାମୁହିକ ବିକାଶ ପାଇଁ ଆଗକୁ କାମ କରିବେ ବୋଲି ଶ୍ରୀ. ସାହୁ ସୂଚନା ଦେଇଛନ୍ତି | ବାହାଡାଝୋଲା ସୋସାଇଟି ରେ ସଭାପତି ଦାୟିତ୍ୱ ଗ୍ରହଣ ଉତ୍ସବ ଅନୁଷ୍ଠିତ ହୋଇଥିଲା | ଏହି କାର୍ଯ୍ୟକ୍ରମ ରେ ବାହାଡାଝୋଲା ସୋସାଇଟି ର ନବ ନିର୍ବାଚିତ ସମସ୍ତ ଡାଇରେକ୍ଟର ସଦସ୍ୟ ଓ ସଦସ୍ୟା ମାନେ ଯୋଗ ଦେଇଥିବା ବେଳେ ସଭାପତି ଶ୍ରୀ. ସାହୁ ଏବଂ ତାଙ୍କର ସ୍କୁଲ ସମୟର ଦୁଇ ଶିକ୍ଷକ ଭୋବନି ବେହେରା, ଗୋଲକ ବିହାରୀ ସାହୁ ଯୋଗ ଦେଇଥିଲେ |
ଶ୍ରୀ. ସାହୁ ବାହାଡାଝୋଲା ସୋସାଇଟି ର ସଭାପତି ଭାବେ ଆଜି ଦାୟିତ୍ୱ ନେଇଥିବାରୁ ତାଙ୍କର ଦୁଇ ଶିକ୍ଷକ ଆଶୀର୍ବାଦ କରିବା ସହ ଆଗକୁ କିଭଳି ବାହାଡାଝୋଲା ସୋସାଇଟି ର ସାମୁହିକ ବିକାଶ ହୋଇପାରିବ ତାହା ଉପରେ ପ୍ରେରଣା ଦେଇଥିଲେ | ମାନ୍ୟବର ବିଧାୟକ ଦଶପଲ୍ଲା ତଥା ନୟାଗଡ଼ ଜିଲ୍ଲା ବିଜେଡ଼ି ସଭାପତି ରମେଶ ଚନ୍ଦ୍ର ବେହେରା ଙ୍କ ସଦିଛା ଓ ଭଲ ପାଇବା ଯୋଗୁଁ ସେ ଅପ୍ରତିଦ୍ବନ୍ଦି ଭାବେ ଏ ପର୍ଯ୍ୟନ୍ତ ଆସିପାରିଛନ୍ତି ବୋଲି କହିଛନ୍ତି ଶ୍ରୀ. ସାହୁ | ସେ ମଧ୍ୟ୍ୟ କହିଛନ୍ତି ବିଜୁ ଜନତା ଦଳ ର କର୍ମୀ ହିସାବରେ ଲୋକ ଙ୍କ ଭଲ ପାଇବା ଲୋକଙ୍କ ସେବା କରିବାକୁ ବିଧାୟକ ସୁଯୋଗ ଦେଇଥିବାରୁ ଗର୍ବ ଅନୁଭବ କରୁଛନ୍ତି ବୋଲି ପ୍ରକାଶ କରିଥିଲେ | ସେପଟେ ବାହାଡାଝୋଲା ସୋସାଇଟି ରେ ସଭାପତି ଭାବେ ଶ୍ରୀ. ସାହୁ ଦାୟିତ୍ୱ ନେଲା ପରେ ତାଙ୍କ ସମର୍ଥକ ମାନଙ୍କ ମନରେ ଏକ ପ୍ରକାର ଖୁସି ର ଲହରୀ ଖେଳିଯାଇଛି | ତେବେ ସଭାପତି ଭାବେ ଦାୟିତ୍ୱ ନେଲା ପରେ ବାହାଡାଝୋଲା ସୋସାଇଟି ର ଅବ୍ୟବସ୍ଥା କୁ ଖୁବଶୀଘ୍ର ସୁଧାର କରାଯିବ ବୋଲି ପ୍ରତିଶୃତି ଦେଇଛନ୍ତି |
