ଖୋର୍ଦ୍ଧା ( ଆୱାଜ ମିଡ଼ିଆ ) – ଯୋଗେଶ୍ୱର ପଣ୍ଡା : ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକ ଅନ୍ତର୍ଗତ ରାଧାକାନ୍ତପୁର ପଞ୍ଚାୟତର ରାଜୀବଗାନ୍ଧୀ ସେବା କେନ୍ଦ୍ର ପରିସରରେ ଡାକ ବିଭାଗ ପକ୍ଷରୁ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ସ୍ଥାନୀୟ ସରପଞ୍ଚ ଜୁଲିତା ଦାଶ ମୁଖ୍ୟ ଅତିଥି, ଭୁବନେଶ୍ୱର ମଣ୍ଡଳ ଡାକ ବିଭାଗର ସହକାରୀ ଅଧିକାରୀ ଦେବଦତ୍ତ ଜେନା ମୁଖ୍ୟ ବକ୍ତା, ଖୋର୍ଦ୍ଧା ଉପମଣ୍ଡଳ ସହକାରୀ ଅଧିକାରୀ ପ୍ରକାଶ କୁମାର ଜେନା, ଡିଓ ଜୀବନ ବୀମା ପ୍ରଭାକର ଶତପଥି ଓ ନାଏବ ସରପଞ୍ଚ ସଚିଲତା ସାହୁ ପ୍ରମୁଖ ଅତିଥି ଭାବେ ଯୋଗଦେଇ ସୁକନ୍ୟା ସମୃଦ୍ଧି ଯୋଜନା , ଅଟଳ ପେନସନ ଯୋଜନା, ପ୍ରଧାନମନ୍ତ୍ରୀ ସୁରକ୍ଷା ଓ ଜୀବନ ଜ୍ୟୋତି ଯୋଜନା, ଆରଡ଼ି ଓ ଡିପୋଜିଟ ଉପରେ ଅଂଶଗ୍ରହଣ କରିଥିବା ଜନସାଧାରଣଙ୍କୁ ଅବଗତ କରାଇଥିଲେ । କାର୍ଯ୍ୟକ୍ରମକୁ ଅକୃର ବେହେରା ପରିଚାଳନା କରିଥିବା ବେଳେ ଚକାପଦା ପୋଷ୍ଟ ମାଷ୍ଟର ବିଦ୍ୟୁଲତା ପଣ୍ଡା, ସହକାରୀ ପୋଷ୍ଟ ମାଷ୍ଟର ଦୀପକ ରଞ୍ଜନ ଦାଶ, ଖୋର୍ଦ୍ଧା ଡାକ କର୍ମଚାରୀ ମିଲନ କୁମାର ସାହୁ, ବ୍ରହ୍ମାନନ୍ଦ ଦାସ ଓ ଅନନ୍ତ ସ୍ବାଇଁ ପ୍ରମୁଖ ସହଯୋଗ କରିଥିଲେ ।
