ଭୁବନେଶ୍ୱର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ପୁରୁଣା ଭୁବନେଶ୍ୱର ର ସାମାଜିକ ସଂଗଠନ ପ୍ରଦୀପ ସେବା ଟ୍ରଷ୍ଟ ତରଫରୁ ବାଲିପାଟଣା ଅଞ୍ଚଳର ବନ୍ୟା ଘେରରେ ରହିଥିବା ଲୋକଙ୍କୁ ସହଯୋଗର ହାତ ବଢ଼ାଯାଇଛି । ଇନ୍ଦୋଳ କୁସିଆରୀ, ଟିଂକିପଡା, ଦରଡ଼ା ଭୋଇସାହି, ନାହାକ ସାହିରେ ବସବାସ କରୁଥିବା ୨୬୬ ଟି ପରିବାରକୁ ଟ୍ରଷ୍ଟ ପକ୍ଷରୁ ଚୁଡା, ଗୁଡ଼, ଚିନି, ଛତୁଆ, ବିସ୍କୁଟ, ଫଳ , ଦିଆସିଲି, ମହମବତୀ, ପାଣି ବୋତଲ ଓ ପୁରୁଣା ପ୍ୟାଣ୍ଟ, ସାର୍ଟ ପ୍ରଭୁତି ବଣ୍ଟା ଯାଇଥିଲା । ଏହି ବଣ୍ଟନ କାର୍ଯ୍ୟକ୍ରମରେ ଟ୍ରଷ୍ଟର ସଦସ୍ୟ ମାନେ ପାଣିରେ ପଶି ସେସବୁ ସ୍ଥାନକୁ ଯାଇଥିବା ବେଳେ ବରିଷ୍ଠ ସଦସ୍ୟ ମାନେ ଫୋନ ମାଧ୍ୟମରେ ମନୋବଳ ବଢ଼ାଇଥିଲେ । ଉକ୍ତ କାର୍ଯ୍ୟକ୍ରମକୁ ଟ୍ରଷ୍ଟ ର ସମ୍ପାଦିକା ମୁଧୁସ୍ମିତା ପୃଷ୍ଟି ପରିଚାଳନା କରିଥିଲେ ।
