ଖୋର୍ଦ୍ଧା ( ଆୱାଜ ମିଡ଼ିଆ ) – ଦେବେନ୍ଦ୍ର ବରାଳ : ଜାତୀୟ ରାଜପଥ 57 ଉପରେ ସନ୍ଧ୍ୟା ସମୟରେ ଦେଖିବାକୁ ମିଳିଥିଲା ଭୟାନକ ଦୃଶ୍ୟ . ଖୋର୍ଦ୍ଧା ନିକଟସ୍ଥ ଜୟମଙ୍ଗଳ ଛକ ଠାରେ ବିରାଟକାୟ ଲୁହ ପାଇପ ବୋଝେଇ ଭାରୀଯାନରୁ ବଡ ବଡ ପାଇପ ଖସି ଯାତାୟାତ ବାଧାପ୍ରାପ୍ତ ହୋଇଥିଲା . ଖୋର୍ଦ୍ଧା – ବାଘମାରୀ ରାସ୍ତାରେ ବାଘମାରୀ ଆଡକୁ ଯାଉଥିବା ଏକ କ୍ୟାରେଜ ଟ୍ରକ ରୁ ଲୁହ ପାଇପ ଖସି ରାସ୍ତା ଉପରେ ମାଡି ରହିବ ଦୃଶ୍ୟ ଦେଖି ସ୍ଥାନୀୟ ଲୋକେ ଏବଂ ରାସ୍ତା ଦେଇ ଯାଉଥିବା ଅନ୍ୟ ଯାତ୍ରୀମାନେ ସ୍ତବ୍ଧ ହୋଇ ଯାଇଥିଲେ .
ସୂଚନା ଅନୁଯାୟୀ ଜୟମଙ୍ଗଳ ଛକରେ ଥିବା ସ୍ପିଡ଼ ବ୍ରେକର ପାଖରେ ଗାଡିର ଚାଳକ ବ୍ରେକ ମାରିବା ପରେ ଏପରି ଘଟିଥିଲା . ଗାଡିର ଡ଼ାଲାରେ ବୋଝେଇ ହୋଇଥିବା ଲୁହ ପାଇପ କ୍ୟାବିନ ଉପର ଦେଇ ଆଗକୁ ଧସିଯାଇ ରାସ୍ତା ଉପରେ ଭୟଙ୍କର ଶବ୍ଦ କରି ମାଡ ହୋଇଥିଲା . ଏପରିକି ଡାଲାରୁ ଖସି ଆଉ ଏକ ପାଇପ ରାସ୍ତା ପାର୍ଶ୍ୱକୁ ଗଡି ଯାଇଥିଲା . ତେବେ ସୌଭାଗ୍ୟକୁ ଆଗରେ କିମ୍ବା ପାଖରେ ଅନ୍ୟ ଗାଡି ନଥିବାରୁ ବଡ ବିପତ୍ତି ଟଳି ଯାଇଛି .
ଦୁର୍ଘଟଣା ସମ୍ପର୍କରେ ଖବର ପାଇ ଖୋର୍ଦ୍ଧା ପୁଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ଟ୍ରାଫିକ ନିୟନ୍ତ୍ରଣ ସହ ଯାନବାହାନ ଚଳାଚଳ ସ୍ୱାଭାବିକ କରିବା ପାଇଁ କାମ ଆରମ୍ଭ କରିଥିଲେ . ତେବେ ଖୋଲା ଡ଼ାଲାରେ ଏପରି ବିରାଟ ପାଇପ ବିଜେହେଇ ହୋଇ ପରିବହନ ହେବ କେତେବେଳେ ବି ଅନ୍ୟ ପାଇଁ ମୃତ୍ୟୁର ଡାକରା ଆଣିପାରେ ବୋଲି ଏପରି ଘଟଣା ଦେଖି ଲୋକେ ପ୍ରକାଶ କରିଛନ୍ତି .
