ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ସମଗ୍ର ଦେଶକୁ ଉତ୍ସବ ମୁଖର କରିଛି ସ୍ବାଧୀନତାର ଅମୃତ ମହୋତ୍ସବ ! ୭୬ ତମ ସ୍ୱାଧିନତା ଦିବସ ଅବସରରେ ସାରା ଦେଶ ଏହାକୁ ଆନନ୍ଦ ଉଲ୍ଲାସର ସହିତ ପାଳନ କରୁଛି ! ବାଙ୍କୀର ଅଗ୍ରଣୀ ବୈଷୟିକ ଶିକ୍ଷାନୁଷ୍ଠାନ ଓଡିଶା କମ୍ପ୍ୟୁଟର ଏକାଡେମୀ ପକ୍ଷରୁ ଚଳିତ ବର୍ଷ ଦଶମ ପରୀକ୍ଷାରେ ସଫଳତା ପାଇଥିବା ଛାତ୍ର ଛାତ୍ରୀ ମାନଙ୍କୁ ସମ୍ବର୍ଦ୍ଧନା କରାଯିବା ସହିତ ଛାତ୍ରଛାତ୍ରୀ ମାନଙ୍କ ମନୋରଞ୍ଜନ ପାଇଁ ଏକ ପ୍ରତିଯୋଗିତା କାର୍ଯ୍ୟକ୍ରମ ଆୟୋଜନ କରାଯାଇଥିଲା ! ଯେଉଁଥିରେ ସଙ୍ଗୀତ, ବକୃତା ଏବଂ ସାଧାରଣଜ୍ଞାନ ପ୍ରତିଯୋଗିତା କରାଯାଇ କୃତୀତ୍ବ ଲାଭ କରିଥିବା ଛାତ୍ର ଛାତ୍ରୀ ମାନଙ୍କୁ କରାଯାଇଛି ପୁରଷ୍କୃତ !
ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବାଙ୍କୀ ଏନଏସି ର ଉପ ନଗରପାଳ ସନ୍ତୋଷ କୁମାର ରଣା, ସମ୍ମାନୀତ ଅତିଥି ଭାବେ ୪ ନମ୍ବର ୱାର୍ଡ଼ ର କାଉନସିଲର ସନାତନ ବେହେରା , ୧୩ ନମ୍ବର ୱାର୍ଡ଼ ର କାଉନସିଲର ଯାମିନୀକାନ୍ତ ମହାପାତ୍ର ଏବଂ ମୁଖ୍ୟ ବକ୍ତା ଭାବେ ବାଙ୍କୀ ପ୍ରେସ କ୍ଲବ ର ଉପ ସଭାପତି ସମରେନ୍ଦ୍ର ମହାପାତ୍ର ଯୋଗଦେଇ ପୁରସ୍କାର ପ୍ରଦାନ କରିବା ସହ ପିଲା ମାନଙ୍କର ଉଜ୍ବଳ ଭବିଷ୍ୟତ ନିମନ୍ତେ କମ୍ପୁଟର ଶିକ୍ଷାଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବାର୍ତ୍ତା ଦେଇଥିଲେ । ଆୟୋଜିତ ପୁରସ୍କାର ବିତରଣ ଉତ୍ସବରେ ବାଙ୍କୀ ଶାଖାର ନିର୍ଦ୍ଦେଶକ ଦେବୀଦତ୍ତ ବିଭୁତିରାୟ ସଭାପତିତ୍ୱ କରି ସ୍ୱାଗତ ଭାଷଣ ପ୍ରଦାନ କରିବା ସହ ଉପସ୍ଥିତ ଛାତ୍ର ଛାତ୍ରୀ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ଅନ୍ୟ ମାନଙ୍କ ମଧ୍ୟରେ ଆଡମିନ୍ ଅଫିସର ପ୍ରଶାନ୍ତ କୁମାର ଜେନା, ଏକାଡେମୀ ହେଡ୍ ପାରମିତା ସାମଲ, ରଶ୍ମିତା ବେହେରା, ମମତା ମହାପାତ୍ର, ପ୍ରଜ୍ଞା ପ୍ରୀୟଦର୍ଶିନୀ ଙ୍କ ସମେତ ସମସ୍ତ ଛାତ୍ର ଛାତ୍ରୀ ଉପସ୍ଥିତ ରହିଥିଲେ ।
