ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ରୋଡ଼ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ଏଡିଏନ କାର୍ଯ୍ୟାଳୟ ସମୁଖରେ ହାଙ୍ଗର ଫାଷ୍ଟକୁ ସମର୍ଥନ କରି ପାଞ୍ଚ ଦଫା ଦାବିରେ ବାଲୁଗାଁ ଇଷ୍ଟ କୋଷ୍ଟ ରେଲୱେ ଶ୍ରମିକ ସଂଘ ପକ୍ଷରୁ ବିକ୍ଷୋଭ ଓ ଧାରଣା ଦିଆଯାଇଛି l ପୂର୍ବରୁ ଲାଗୁ ହୋଇଥିବା କିଛି ନିୟମରେ ରେଳ ବିଭାଗ ପରିବର୍ତ୍ତନ ଆଣିବା ପରେ କାର୍ଯ୍ୟରତ ଗାର୍ଡ ମାନଙ୍କର ସମସ୍ୟା ବଢ଼ିଛି । ସେହିପରି ସେମାନଙ୍କ ସୁବିଧା ପାଇଁ ଲାଗୁ ହୋଇଥିବା ନିୟମକୁ ରେଳ ବିଭାଗ ଲାଗୁ କରୁନଥିବା ଅଭିଯୋଗ କରିଛନ୍ତି ଶ୍ରମିକ ସଂଘ ସଦସ୍ୟ । ତତସହିତ ଶ୍ରମିକ ମାନଙ୍କୁ 20 କିମି ପେଟ୍ରୋଲିଙ୍ଗ କରିବାକୁ କହୁଛନ୍ତି ଉପରୋକ୍ତ ଅଧିକାରୀ ମାନେ ! ଏପରିକି ୟୁନିଫର୍ମ ପୋଷାକ ମଧ୍ୟ ମିଳୁ ନାହିଁ l ଏଭଳି ଅନେକ ସମସ୍ୟାକୁ ନେଇ ଦାବି କରିଛନ୍ତି ଶ୍ରମିକ ସଙ୍ଘ l ପୂର୍ବ ଭଳି ନିୟମ ସହିତ ସେମାନେ ସାଙ୍ଗରେ ନେଉଥିବା ବକ୍ସ ପୁନଃ ନେବାକୁ ଦାବି ହୋଇଛି । ଏହି ଦାବି ପୂରଣ ନହେଲେ ଆଗାମି ଦିନରେ ଆନ୍ଦୋଳନ ଜୋରଦାର ହେବ ବୋଲି ସଙ୍ଘ ତରଫରୁ ଚେତାବନୀ ଦିଆଯାଇଛି l ଏଥିନିମନ୍ତେ ଖୋର୍ଦ୍ଧା ରୋଡ଼, ବାଲୁଗାଁ ରେଳ ଷ୍ଟେସନ ରେଲୱେ ଶ୍ରମିକ ସଂଘ ଅଫିସ ଆଗରେ ଧାରଣା ଦେବା ସହିତ ରେଲୱେ ଶ୍ରମିକ ସଂଘ ତରଫରୁ ଜିଏମଙ୍କ ଉଦେଶ୍ୟରେ ଏଡିଏନ ଙ୍କୁ ଦାବିପତ୍ର ପ୍ରଦାନ କରିଛନ୍ତି ।
