ବୋଲଗଡ଼ ( ଆୱାଜ ମିଡିଆ ) – ଗଙ୍ଗାଧର ସାହୁ : ଅସତ୍ୟ ଉପରେ ସତ୍ୟର, ଅନ୍ୟାୟ ଉପରେ ନ୍ୟାୟର, ଦ୍ବେଷ ଓ ଘୃଣା ଉପରେ ପ୍ରେମର ବିଜୟ ପର୍ବ ହେଉଛି ବିଜୟାଦଶମୀ । ସମାଜ ରେ ଆଜି ବି ଅସଂଖ୍ୟ ରାବଣ ଓ ମହିଷାଶୁର ଭାରି ରହିଛନ୍ତି । ସାଧାରଣ ଲୋକ ହକ୍ କୁ କିଏ ମାରି ନେଇଛିତ , ଆଉ କିଏ ଅନ୍ୟାୟ ପୂର୍ବକ ଶୋଷଣ କରିଚାଲିଛି । ଜନତାଙ୍କ ପାଇଁ ସେହି ରାମଚନ୍ଦ୍ର ଓ ମା ଦୁର୍ଗାଙ୍କୁ ଆଉ ଥରେ ଧରାପୃଷ୍ଠକୁ ଆସିବାକୁ ହେବ। ଏହି ପରିପ୍ରେକ୍ଷୀରେ ବୋଲଗଡ ଅଞ୍ଚଳ ର ସାଗର ଗାଁ ଦୁର୍ଗାବଜାର ରେ ପାଳିତ ହେଉଥିବା ବିଜୟାଦଶମୀ ଉପଲକ୍ଷେ ସାଗର ଗାଁ ପ୍ରାଇମେରୀ ସ୍କୁଲ୍ ପଡିଆରେ ମହା ସମାରୋହରେ ରାବଣପୋଡି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ସୁବାଷ ଚନ୍ଦ୍ର ରାୟଗୁରୁ, କୁମ୍ଭାରୀ ପଞ୍ଚାୟତ ସରପଞ୍ଚ ପ୍ରଫୁଲ୍ଲ ପ୍ରଧାନ, ସରପଞ୍ଚ ରମାମଣୀ ଦେଇ, କୃଷ୍ଣଚନ୍ଦ୍ର ପ୍ରଧାନ ଓ ବହୁ ଜନସାଧାରଣ ଯୋଗ ଦେଇଥିଲେ ।
